Lukas 24:44 - Buku Tomoroli' Pojanci to Bo'u

⁴⁴ Oti toe, na'uli'-miraka: ”Toe-mile to ku'uli'-kokoie bula-ku dohe-ni-pidi. Butu nyala-na to mpolowa woto-ku to te'uki' hi rala sura to na'uki' nabi Musa pai' sura nabi–nabi pai' Buku Rona' Daud, hawe'ea-na kana madupa'.”

Lukas 24:44 Iomraidhean Croise

Matius 1:22

Hawe'ea toe majadi' bona madupa'-mi napa to na'uli' Pue' hante wiwi nabi-na owi, hewa toi:

Matius 16:21

Ntepu'u ngkai tempo toe, Yesus mpakanoto hi ana'guru-na napa to kana jadi' hi woto-na. Na'uli'-raka: ”Kana hilou-a hi Yerusalem. Hi ria mpai' totu'a ngata, imam pangkeni hante guru–guru agama mpobalinai'-a pai' mposesa'-a. Rapatehi-a mpai', aga hi eo katolu-na tuwu' nculii' moto-a.”

Matius 26:54

Aga ane ta'ewa-ra to mpohoko'-a toi-e, uma mpai' madupa' lolita to te'uki' hi rala Buku Tomoroli' owi to mpo'uli' hawe'ea toe lau kana majadi' hi Aku'.”

Matius 26:56

Aga to hewa toi-le kana majadi', bona madupa'-mi napa to ra'uki' nabi–nabi owi hi rala Buku Tomoroli'.” Oti toe, metibo'-ramo hawe'ea ana'guru-na mpalahii-i.

Markus 9:31

apa' nto'u toe bula-na mpotudui' ana'guru-na. Na'uli'-raka: ”Aku' Ana' Manusia', ratonu-a mpai' hi kuasa manusia'. Rapatehi-a mpai', aga tolu eo oti toe, tuwu' nculii'-a.”

Lukas 21:22

Apa' tempo toe mpai', tempo pehukua' Alata'ala, bona madupa'-mi hawe'ea to te'uki' hi rala Buku Tomoroli'.

Lukas 22:37

Apa' ria lolita Buku Tomoroli' to mpo'uli': ’Magau' Topetolo' mpai' rapohewa tauna to dada'a.’ Pai' napa to te'uki' toe kana madupa' hi Aku'. Apa' napa to te'uki' hi rala Buku Tomoroli' to mpolowa-a, neo' madupa' mpu'u-mi wae lau.”

Lukas 24:46

Na'uli': ”Hi rala Buku Tomoroli' te'uki': Aku' Magau' Topetolo' kana mporata kaparia pai' kana rapatehi, pai' hi eo katolu-na tuwu' nculii'.

Lukas 9:22

Na'uli' wo'o-mi: ”Aku' Ana' Manusia' kana mporata wori' kaparia. Rasapuaka-a mpai' totu'a ngata, imam pangkeni hante guru agama. Rapatehi-a mpai', aga hi eo katolu-na tuwu' nculii' moto-a.”

Lukas 9:44

”Penonoi lompe'-e' lolita-ku toi: Aku' Ana' Manusia' bate ratonu mpai' hi kuasa manusia'.”

Yohanes 3:14

”Owi hi papada to wao', nabi Musa mpobabehi lence ule ngkai ngkala, pai' natu'u hi doe hampole kaju pai' natunya' napopokore. Hema–hema to natilo' ule, ane rangoa' lence ule ngkala toe, tuwu' moto-ra. Jadi', hewa ule ngkala toe rapokalangko owi, wae wo'o mpai' Aku' Ana' Manusia' kana rapokalangko,

Yohanes 5:39

Koi' mpewulihi' ihi' Buku Tomoroli', apa' ni'uli' mporata-koi katuwua' to lompe' duu' kahae–hae-na ngkai Buku Tomoroli' toe. Hiaa' Buku Tomoroli' moto wo'o-mi to mpotompo'wiwi-a.

Yohanes 5:46

Tapi' ane bongko nipangala' mpu'u-i Musa, tantu nipangala' wo'o-a Aku'-e, apa' napa to na'uki' Musa, Aku'-mi kadungkua-na.

Suro 13:40

”Aga kana tapelompehi, bona neo' mpai' jadi' hi kita' hewa to na'uli' Alata'ala hante wiwi nabi owi. Na'uli':

Suro 2:27

Apa' uma nupelele' kao'-ku tida hi po'ohaa' tomate, woto-ku uma nupelele' hi rala daeo' duu'-na pope, apa' Aku' batua-nu to nupelihi.

Suro 3:18

Aga nau' wae, ngkai napa to nibabehi tetu, madupa'-mi napa to na'uli' Alata'ala owi hante wiwi hawe'ea nabi, to mpo'uli': Magau' Topetolo' kana mporata kaparia.

Suro 7:37

Musa toe wo'o-mi to mpo'uli'-raka to Israel owi hewa toi: ’Alata'ala mpai' mpo'ongko' hadua ngkai ompi'-ni jadi' nabi hewa aku' toi.’

Ibrani 10:1

Atura Pue' to naparata Musa, hewa gambara-wadi. Hi Atura toe, ko'ia ta'incai mpu'u kalompea' to tarata ngkai Kristus. Tahilo kao'-na-wadi, bela lence-na mpu'u. Ntuku' Atura Musa toe, butu–butu mpae-na tauna to doko' mpomohui' Alata'ala mpokeni pepue'-ra to hibalia oa'-wadi, aga uma-ra jadi' monoa' hi poncilo Alata'ala hi kampokeni-ra pepue' toe.

Ibrani 3:5

Musa tida mpokamu bago-na mpewili' ntodea Alata'ala, hewa hadua topobago to tida mpokamu bago-na hi rala tomi pue'-na. Pai' napa to nababehi Musa toe mpowalatu kalompea' to napopehuwu Alata'ala ngkabokoa'.

Ibrani 7:1

Melkisedek toei, raja hi ngata Salem owi, pai' imam wo'o-i, to mpokamu bago mpepue' hi Alata'ala Topejadi'. Nto'u-na Abraham nculii' ngkai panga'ea mpodagi raja–raja, Melkisedek toe-imi to tumai mpotomu-i pai' mpogane'-i.

Ibrani 9:8

Hante ada tohe'e, Inoha' Tomoroli' mpotudui'-ta hewa toi: ane da rii–ria-pidi kamar to lomo'-na, manusia' ko'ia rapiliu mesua' hi rala Kamar to meliu tena Karoli'-na bona mpomohui' Alata'ala.

Pangila 19:10

Potumpa-kumi hi nyanyoa mala'eka toei ke mponyompa-i, aga na'uli'-ka: ”Neo'! Neo' aku' nunyompa. Alata'ala-hana to nunyompa. Apa' aku' wo'o-kuwo batua Alata'ala hibalia iko pai' hibalia hawe'ea ompi' hampangakua'-nu to mpangaku' kaYesus-na Pue'-ra. Apa' poko patuju-na ngkai hawe'ea lolita pelowa: mposabii' kaYesus-na Pue'.”