Lukas 24:4 - Buku Tomoroli' Pojanci to Bo'u

⁴ Bula-ra mokore nakeni ka'ingu'-ra, muu–mule' mehupa' rodua tomane to moheai meringkila' mokore hi ncori-ra.

Lukas 24:4 Iomraidhean Croise

Markus 16:5

Pesua'-rami hi rala daeo', mpohilo-ra hadua kabilasa mohura tono' mali ka'ana-na, moheai hante pohea to bula. Konce tobine toera mpohilo-i.

Lukas 2:9

muu–mule' mehupa'-mi hadua mala'eka Pue' mpohirua'-raka, pai' kabaraka' Pue' mehini mpohinii-ra, alaa-na me'eka' lia-ramo.

Lukas 24:5

Wulunga-ramo tobine toera, pai'-ra motumpa hi tana'. Ra'uli' to rodua toera mpo'uli'-raka: ”Napa pai' nipali' tauna to tuwu' hi olo' tomate?

Suro 1:10

Bula-ra mengoa'-pidi hi langi' mponaa pe'ongko'-na, ria ncorobaa rodua tomane moheai pohea to mengea' mokore hi ncori-ra.

Suro 12:7

Ntaa' we'i, hi bengi toe muu–mule' mehupa'-mi mala'eka Pue' hi rala tarungku', mokore hi ncori Petrus, pai' ria to mehini hi rala tarungku' toe. Mala'eka toei mpolengo–lengo Petrus mpolike-i, na'uli'-ki: ”Ee, pesahui memata!” Nto'u toe, hangaa mobongka moto-mi rante pohoo' pale-na Petrus.

1 Timotius 3:16

Uma mowo kalompe'-na tudui' to tatuku' hi pengkoru-ta hi Alata'ala. Ngkai owi, tudui' toe ko'ia rapopehuwu hi manusia', tapi' hewa toe lau napopehuwu-mitaka Alata'ala. Apa' mepangala'-ta hi Alata'ala to mewali manusia'. Inoha' Tomoroli' mpakanoto kahema-na, pai'-i rahilo mala'eka. Rapalele kareba-na hi tauna to ko'ia mpo'incai Alata'ala. Tauna hi humalili' dunia' mepangala' hi Hi'a. Ra'ongko'-imi hilou hi suruga, pai'-i rawai' kabohea tuwu'.