Lukas 24:26 - Buku Tomoroli' Pojanci to Bo'u

²⁶ Magau' Topetolo', bate kana mporata kaparia ncala'-i, pai' lako' mporata-i kabohe tuwu'-na.”

Lukas 24:26 Iomraidhean Croise

Lukas 24:44

Oti toe, na'uli'-miraka: ”Toe-mile to ku'uli'-kokoie bula-ku dohe-ni-pidi. Butu nyala-na to mpolowa woto-ku to te'uki' hi rala sura to na'uki' nabi Musa pai' sura nabi–nabi pai' Buku Rona' Daud, hawe'ea-na kana madupa'.”

Lukas 24:46

Na'uli': ”Hi rala Buku Tomoroli' te'uki': Aku' Magau' Topetolo' kana mporata kaparia pai' kana rapatehi, pai' hi eo katolu-na tuwu' nculii'.

Lukas 24:7

Na'uli': Ana' Manusia' kana ratonu hi tauna to dada'a bona raparika', aga hi eo katolu-na tuwu' nculii'-i.”

Yohanes 2:22

Ngkabokoa'-na ngkai toe, katuwu'-na nculii' mpu'u-mi Yesus, ana'guru-na mpokiwoi lolita-na toe-e. Ngkai ree rapangala'-mi napa to te'uki' hi rala Buku Tomoroli' pai' napa to na'uli' Yesus.

Yohanes 20:9

Duu' rata hi eo toe, ko'ia oa' rapaha napa to te'uki' hi rala Buku Tomoroli' owi to mpo'uli': Yesus kana tuwu' nculii'.

Suro 17:3

Mobasa-i Buku Tomoroli', napakanoto pai' nabajahi-raka batua-na, na'uli': ”Magau' Topetolo' to najanci Pue' Ala owi, bate kana mporata kaparia duu'-na mate, aga tuwu' nculii' moto-i. Yesus to kulolita-kokoi toi, Hi'a-mi Magau' Topetolo' to ralowa owi-e.”

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

1 Petrus 1:3

Mai-tamo mpo'une' Alata'ala, Tuama-na Pue'-ta Yesus Kristus! Ngkai pe'ahi'-na to bohe, nawai'-tamo katuwua' to bo'u, pai' katuwua' to bo'u toe tarata ngkai katuwu'-na nculii' Yesus Kristus. Toe pai' moroho poncarumaka-ta.