Lukas 23:13 - Buku Tomoroli' Pojanci to Bo'u

¹³ Ngkai ree, Pilatus mporumpu hawe'ea imam pangkeni pai' totu'a ngata hante ntodea,

Lukas 23:13 Iomraidhean Croise

Markus 15:14

Napekune' Pilatus: ”Hiaa' napa sala'-na?” Rapesukui lau-mi mejeu': ”Parika'-imi!”

Lukas 23:35

Wori' tauna tumai mokore hilau merono. Wae wo'o pangkeni to Yahudi mpopo'ore'-i, ra'uli': ”Tau ntani'-na natulungi-ramo. Agina woto-na moto-pi natulungi, ane makono kaHi'a-na Magau' Topetolo' to napelihi Alata'ala-e!”

Lukas 24:20

Imam pangkeni pai' totu'a ngata-ta mpotonu-i hi topoparenta bona rahuku' mate. Oti toe, raparika' mpu'u-i.

Yohanes 12:42

Aga nau' wae, wori' moto pangkeni to Yahudi to mepangala' hi Yesus. Aga mepangala' bongo-ra-wadi, apa' me'eka'-ra nee–neo' mpai' to Parisi mpopalai-ra ngkai tomi posampayaa.

Yohanes 18:38

Hampetompoi' Pilatus: ”Ah! Napa-i to nu'uli' makono tetu-e?” Oti toe, hilou wo'o-imi Pilatus hi mali-na, pai' na'uli'-raka to Yahudi: ”Nau' hanyalaa kasalaa'-na, uma-kuna ria kuruai'.

Yohanes 19:4

Oti toe, mehupa' wo'o-imi Pilatus lou hi mali-na, pai' na'uli'-raka to Yahudi: ”Hilo, kukeni-imi tumai hi koi', bona ni'inca ka'uma-na kuruai' nau' hanyalaa kasalaa'-na.”

Yohanes 3:1

Ria hadua tauna to rahanga' Nikodemus. Nikodemus toei, to Parisi pai' pangkeni agama Yahudi.

Yohanes 7:26

Hiaa' he'e-imi mai metudui' hante uma ria kakoo–koroa'-na, pai' uma hema to mpokamaro-i. Ba lue' ra'inca lau-mi pangkeni-ta kaHi'a-na Magau' Topetolo'-e?

Yohanes 7:48

Hilo, uma ria hadua pangkeni ba to Parisi to mepangala' hi Yesus.

Suro 13:27

Ompi'-ta to mo'oha' hi Yerusalem hante pangkeni-ra, uma ra'incai kaYesus-na Magau' Topetolo' toei. Uma ra'incai batua-na lolita nabi to rabasa butu Eo Sabat. Toe pai' rahuku' mate-i-hana Yesus. Ntaa' hante babehia-ra tohe'e, te'ihii' lau-mi to ralowa nabi owi.

Suro 3:17

”Ompi'–ompi', koi' moto-mi hante pangkeni-ta to mpopatehi Yesus-e. Aga ku'inca moto, napa to nibabehi tetu, nibabehi ngkai ka'uma-na-hawo ni'incai kalaua-na.

Suro 4:5

Kamepulo-na, topohura agama, pangkeni to Yahudi pai' guru agama, morumpu omea-ra hi Yerusalem.

Suro 4:8

Nto'u toe, Petrus nakuasai Inoha' Tomoroli', pai'-i mololita, na'uli': ”Tuama–tuama pangkeni ntodea pai' topohura agama!