Lukas 22:70 - Buku Tomoroli' Pojanci to Bo'u

⁷⁰ Ra'uli' wo'o-mi topohura toera: ”Ane wae-di, Ana' Alata'ala mpu'u-ko?” Na'uli' Yesus: ”Wae mpu'u-di, hewa to ni'uli' tetu-e.”

Lukas 22:70 Iomraidhean Croise

Matius 26:25

Ngkai ree, na'uli' wo'o-mi-hawo Yudas, to mpobalu'-ie mpai': ”Bela-hawo aku' to nutoa'-e Guru?” Na'uli' Yesus: ”Hewa to nu'uli' tetu-midi!”

Matius 26:64

Na'uli' Yesus: ”Io', hewa to nu'uli' tetu-e. Pai' ku'uli' tena: rata mpai' tempo-na nihilo-a Aku' Ana' Manusia', mohura pai' moparenta hi mali ka'ana Alata'ala to Mobaraka', pai' nihilo wo'o-a mpai' mana'u tumai ngkai suruga hi rala limu'.”

Matius 27:11

Ane Yesus we'i, karakeni-na hi Gubernur Pilatus, mokore-i hi nyanyoa-na. Pilatus mpekune'-i: ”Ha Iko mpu'u-mi Magau' to Yahudi-e?” Na'uli' Yesus: ”Wae mpu'u, hewa to nu'uli' tetu.”

Matius 27:43

Ncarumaka Alata'ala-i, pai' na'uli' Ana' Alata'ala-i. Mai tahilo Alata'ala mpobahaka-i, ane dota-i.”

Matius 27:54

Tadulako tantara hante tantara–tantara doo-na to mpojaga Yesus, me'eka' lia-ramo mpo'epe linu pai' mpohilo hawe'ea to jadi' toe. Ra'uli': ”Ana' Alata'ala mpu'u-i-tawo'!”

Matius 3:17

Oti toe, ra'epe-mi lolita Alata'ala ngkai langi' to mpo'uli': ”Hi'a toi-mi ana'-ku to kupe'ahi'. Hi'a-mi to mpakagoe' nono-ku.”

Matius 4:3

Rata Magau' Topesori mpo'uli'-ki: ”Ane Ana' Alata'ala mpu'u-ko, wae-pi hubui watu toe-ra lau mewali pongkoni'!”

Markus 14:62

Na'uli' Yesus: ”Aku'-mi, pai' nihilo moto-a mpai', Aku' Ana' Manusia', mohura pai' moparenta hi mali ka'ana Alata'ala to Mobaraka', pai' nihilo wo'o-a mana'u tumai ngkai suruga hi rala limu'.”

Markus 15:2

Mepekune'-i Pilatus: ”Ha Iko mpu'u-mi Magau' to Yahudi-e?” Na'uli' Yesus: ”Wae mpu'u, hewa to nu'uli' tetu.”

Lukas 22:71

Ngkai ree, ra'uli'-mi: ”Uma-pi mingki' ria sabi'! Ta'epe moto-mi ngkai wiwi-na kasalaa'-na!”

Lukas 23:3

Jadi', mepekune' Pilatus hi Yesus: ”Ha Iko mpu'u-mi Magau' to Yahudi-e?” Na'uli' Yesus: ”Wae mpu'u, hewa to nu'uli' tetu-e.”

Lukas 4:41

Pai' wori' wo'o seta napopalai ngkai tauna to rapesuai'. Seta to napopalai toera, kaka'au–au-ra, ra'uli': ”Iko-mi Ana' Alata'ala!” Aga natagi mpu'u-ra bona neo'-ra mololita, apa' ra'inca kaHi'a-na Magau' Topetolo'.

Yohanes 1:49

Na'uli' Natanael: ”Ana' Alata'ala mpu'u-ko-tawo', Guru! Iko mpu'u-mi Magau' to Israel!”

Yohanes 10:30

Aku' pai' Tuama-ku, hadua lau-wada-kai.”

Yohanes 10:36

Apa' Aku' toi-e, to nawati' Tuama-ku, napowiwi napowiti' tumai hi dunia'. Jadi', napa pai' ni'uli'-ka mpokedi'-a Alata'ala apa' ku'uli' ka'Aku'-na Ana'-na?

Yohanes 18:37

Na'uli' wo'o-mi Pilatus: ”Ane wae-di, magau' mpu'u-ko?” Na'uli' Yesus: ”Iko moto to mpo'uli' Aku' toi magau'. Pai'-a putu hi dunia' toi, bona mpo'uli' napa to makono. Tauna to mpokono napa to makono, bate mpangala' lolita-ku.”

Yohanes 19:7

Ra'uli' to Yahudi: ”Ane kai'-le, ntuku'-ki atura agama-kai, kana rahuku' mate-i, apa' na'uli'-hana Hi'a Ana' Alata'ala.”