Lukas 22:53 - Buku Tomoroli' Pojanci to Bo'u

⁵³ Butu eo-na ria lalau-a dohe-ni hi Tomi Alata'ala, tapi' uma-koi hema to dungku pale-ni hi Aku' nto'u toe. Tempo mobengi-damo pai' lako' daho'-koi mpohoko'-a. Toi-mi tempo-ni koi', pai' tempo-na magau' kabengia!”

Lukas 22:53 Iomraidhean Croise

Matius 21:23

Mesua' wo'o-imi Yesus hi rala Tomi Alata'ala pai' metudui'. Bula-na metudui', rata-ramo imam pangkeni hante totu'a to Yahudi mpekune'-i, ra'uli': ”Uli'-kakai, ngkaiapa huraa-nu mpobabehi hawe'ea tetu hi Tomi Alata'ala! Hema to mpowai'-ko kuasa hewa tetu?”

Lukas 22:52

Oti toe, Yesus mpololitai-ra imam pangkeni pai' polisi Tomi Alata'ala hante pangkeni to Yahudi to tumai mpohoko'-i. Na'uli'-raka: ”Ha toperampaki-a toi-e, pai' mingki' tumai-koi ntali piho' pai' sumampu-e!

Lukas 22:54

Ngkai ree, rahoko' mpu'u-imi, pai'-i rakeni hilou hi tomi Imam Bohe. Petrus metuku' ngkawao-wadi.

Yohanes 12:27

”Susa' nono-ku toi-e. Uma ku'incai napa to kana ku'uli'. Ria hi rala nono-ku doko' mekakae: ’Mama, bahaka-a-kuwo ngkai kaparia to neo' mporumpa'-a toi-e!’ Aga bo toe-mi pai' tumai-a hi rala dunia', bona mpotodohaka kaparia toe.

Yohanes 13:30

Kanadoa-na Yudas roti toe, palai-nami hilou hi mali-na. Nto'u toe, mobengi-mi.

Yohanes 14:30

”Uma-pi wori' loga-ku mpololitai-koi, apa' neo' rata-mi Magau' Anudaa'. Hi'a-mi to mpokuasai dunia' tohe'i, aga uma ria kuasa-na hi Aku'.

Yohanes 7:30

Nto'u toe, ria-ra to doko' mpohoko'-i, aga uma hema to dungku pale-ra hi Hi'a, apa' ko'ia rata tempo-na.

Yohanes 7:45

Topojaga Tomi Alata'ala to rahubui mpohoko' Yesus, nculii'-ramo hilou hi to Parisi pai' imam pangkeni. Uma-ra oko mpohoko'-i. Ra'uli' pangkeni toera: ”Napa-di pai' uma-i nihoko' pai' nikeni tumai-e?”

Suro 26:18

Kusuro-ko hilou mpobini' mata-ra, pai' mpotete'-ra ngkai kabengia-na tumai hi kabajaa-ku; bona tebahaka-ra ngkai kuasa Magau' Anudaa' pai' nakuasai-ramo Alata'ala; bona te'ampugi jeko'-ra pai' jadi'-ramo bagia Alata'ala sabana pepangala'-ra hi Aku'.’

Efesus 6:12

Apa' hi panga'e-ta toi-e, uma-ta mpo'ewa manusia'. Mpo'ewa-ta to mokuasa pai' anu mobaraka' to uma kahiloa. Mpo'ewa-ta tadulako–tadulako kabengia to mokuasa hi wongko dunia'. Mpo'ewa-ta wori' nyala seta pai' anudaa' to mpokuasai raoa.

Kolose 1:13

Nabahaka-tamo ngkai kuasa kabengia-na, pai'-ta napajadi' ntodea-na hi rala Kamagaua' Ana'-na to nape'ahi'.