Lukas 22:42 - Buku Tomoroli' Pojanci to Bo'u

⁴² Na'uli': ”Tuama-ku, ane dota-ko, wi'iha-ka-kuwo kaparia to neo' mporumpa'-a tohe'i. Aga bela konoa-ku Aku' to jadi', agina konoa-nu Iko moto.” [

Lukas 22:42 Iomraidhean Croise

Matius 11:25

Nto'u toe, Yesus mosampaya, na'uli': ”O Mama, Pue' langi' pai' dunia'! Mpo'uli'-a tarima kasi, apa' hawe'ea toe lau nupopohiloi-raka tauna to uma pe'incai, tapi' nuwunii'-raka tauna to nginca pai' tauna to pante,

Matius 11:26

apa' wae-mi konoa-nu Mama.

Matius 20:22

Na'uli' Yesus mpo'uli'-raka: ”Uma ni'incai napa to niperapi' tetu. Ha nipakule' mpai' mpokolo kaparia to kana kukolo-e?” Ratompoi' ana'guru to rodua toera: ”Kipakule' moto!”

Matius 26:39

Oti toe hilou-imi molaa hangkedi', pai'-i motumpa, mosampaya, na'uli': ”Tuama-ku, ane ma'ala, pomolaa-ka-kuwo kaparia to neo' mporumpa'-a toi. Aga bela konoa-ku Aku' to jadi', agina konoa-nu Iko moto.”

Matius 26:42

Ngkai ree, hilou wo'o-imi mosampaya, na'uli': ”Tuama-ku, ane kaparia toi uma ma'ala rawi'iha-ka, bate konoa-numi to majadi'.”

Matius 26:44

Hangkani wo'o-ipi Yesus mpalahii-ra hilou mosampaya katolu ngkani-na. Posampaya-na toe hibalia hante posampaya-na to we'i.

Matius 6:10

bona Iko jadi' Magau' hi dunia', bona hawe'ea tauna hi dunia' mpobabehi konoa-nu, hibalia hante ihi' suruga.

Markus 14:36

Na'uli': ”Tuama-ku! Uma ria to uma majadi' ane Iko Mama mpo'uli'. Wi'iha-ka-kuwo kaparia to neo' mporumpa'-a toi. Aga bela konoa-ku Aku' to jadi', agina konoa-nu Iko moto.”

Lukas 23:34

Yesus mosampaya, na'uli': ”Tuama-ku, ampungi-ra-rawo, apa' uma ra'incai napa to rababehi.” Tantara to mpoparika' Yesus mpotene' undi hewa pompenoa'-ra, ba hema-ra to mporata pohea-na.

Yohanes 18:11

Na'uli' Yesus hi Petrus: ”Unco' nculii' piho'-nu! Ha nu'uli'-kona kupetiboi' kaparia to naponoa' ami'-maka Tuama-kue?”

Yohanes 4:34

Toe pai' Yesus mpo'uli'-raka: ”Pongkoni'-kule, mpotuku' konoa Pue' Ala to mposuro-a, pai' mposipolea pobago to nawai'-ka.

Yohanes 5:30

”Aku', uma-a bisa mpobabehi napa–napa ntuku' konoa-ku moto. Kubotuhi ntuku' to nahawai'-ka Alata'ala. Pobotuhi-ku monoa', apa' uma-a mpotuku' dota-ku moto, mpotuku'-a kadota-na Pue' Ala to mposuro-a.

Yohanes 6:38

Apa' tumai-a ngkai suruga, uma mpobabehi konoa-ku moto. Tumai-a mpobabehi konoa-na Alata'ala to mposuro-a.

Suro 21:14

Jadi', apa' uma oa' napangalai' petagi-kai, kipento'oi lau-mi mpotagi-i, ki'uli': ”Kadota Pue'-damo to jadi'.”