Lukas 22:41 - Buku Tomoroli' Pojanci to Bo'u

⁴¹ Oti toe, pai' hilou-i molaa hala' ngkai hira', pai'-i mowilingkudu mosampaya.

Lukas 22:41 Iomraidhean Croise

Matius 26:39

Oti toe hilou-imi molaa hangkedi', pai'-i motumpa, mosampaya, na'uli': ”Tuama-ku, ane ma'ala, pomolaa-ka-kuwo kaparia to neo' mporumpa'-a toi. Aga bela konoa-ku Aku' to jadi', agina konoa-nu Iko moto.”

Markus 14:35

Oti toe, hilou-imi molaa hangkedi', pai'-i motumpa hi tana' mosampaya. Rala posampaya-na merapi'-i bona ane ma'ala uma-i-hawo mporata kaparia toe.

Lukas 18:11

To Parisi toei mokore pai' mosampaya hi rala nono-na, na'uli': ’Oo Alata'ala, mpo'uli'-a tarima kasi, apa' uma-a hewa tau ntani'-na–toperampaki, to bengku' nono-ra, topobualo', ba hewa topesingara' paja' toei mai.

Lukas 18:13

”Hiaa' topesingara' paja' toei-hawo, mokore ngkawao-i-wadi, pai' uma-i daho' ngkongoa' hi langi'. Ntora mporera' hunamu-nai, pai' na'uli': ’Oo Alata'ala! Poka'ahi'-a-kuwo, tauna topojeko' toi-a!’ ”

Suro 20:36

Kahudu-na Paulus mololita, mowingkotu'-imi hangkaa–ngkania hante hawe'ea doo-na to ngkai Efesus toera, pai'-i mosampaya.

Suro 21:5

Aga nau' wae, karata tempo-na pe'ongko' kapal-kai, ki'uli'-mi bate kaliliu moto-kai hilou hi Yerusalem. Jadi', hawe'ea doo-kai toe mpobawa-kai hilou hi mali ngata, hante tobine-ra pai' ana'–ana'-ra. Hi wiwi' tahi', mowingkotu'-makai hangkaa–ngkania pai' mosampaya.

Suro 7:60

Oti toe, mowingkotu'-i pai' na'uli' napesukui: ”Pue', neo'-ra nuhuku' ngkai jeko'-ra toi.” Ka'oti-na mololita hewa toe, mate-imi.

Suro 9:40

Ngkai ree, Petrus mpohubui-ra omea mpalahii kamar toe, pai' powilingkudu-nami mosampaya. Ka'oti-na mosampaya, pai'-i mponyanyohi tomate, na'uli'-ki: ”Tabita, memata-moko!” Hangaa mobini' mpu'u-mi mata-na mponaa Petrus, pai' kaliliu mohura-imi.

Ibrani 5:7

Nto'u-na Yesus tuwu' rala dunia' tohe'i, me'au-i geo' mekakae pai' mpohowa' pomperapia'-na hi Alata'ala. Na'inca kamobaraka'-na Alata'ala mpobahaka-i ngkai kamatea, aga uma-i mpotuku' konoa-na moto, bate mengkoru-i hi konoa Alata'ala. Toe pai' Alata'ala mpo'epe pomperapia'-na.