Lukas 22:19 - Buku Tomoroli' Pojanci to Bo'u

¹⁹ Oti toe, na'ala'-mi roti, pai' ka'oti-nai mpo'uli' tarima kasi hi Pue' Ala, napihe–pihe pai' natonu-miraka, na'uli': ”Roti to kutonu-kokoi toi, toi-mi woto-ku [to kutonu mpotolo'-koi. Babehi-mokoi ada toi bona mpokiwoi-a.”

Lukas 22:19 Iomraidhean Croise

Matius 14:19

Oti toe nahubui-ramo ntodea toera mohura hi kowo'. Kamohura-rami-rawo hi kowo', pai' na'ala'-mi roti to lima meha' pai' uru to rongkaju-e we'i, pai'-i ngkongoa' hi langi' mosampaya. Oti toe napihe–pihe-mi roti toe, pai' natonu-raka ana'guru-na bona rabagi hi ntodea.

Matius 15:36

Na'ala'-mi roti to pitu pai' bau' kedi' to ba hangkuja ma'a toe, pai'-i mpo'uli' tarima kasi hi Alata'ala. Oti toe napihe–pihe-mi pai' nawai'-raka ana'guru-na bona rabagi-raka tauna to wori' toera.

Lukas 22:17

Oti toe, Yesus mpo'ala' sangkiri' to ihia' anggur, na'uli' tarima kasi hi Alata'ala, pai' na'uli'-raka ana'guru-na: ”Ala'-mi tohe'i pai' nibagi–bagi.

Lukas 22:20

Wae wo'o, ka'oti-ra ngkoni', na'ala' sangkiri' to ihia' anggur pai' na'uli'-raka: ”Ihi' sangkiri' toi mpobatuai pojanci Alata'ala to bo'u, to mpoposidai' Alata'ala pai' manusia'. Pojanci toe, rapadupa' hante raa'-ku, to rabowo mpai' ane mate-a mpotolo'-koi.]

Lukas 24:30

Mohura-ramo hangkaa–ngkania bona ngkoni'. Yesus mpo'ala' roti, naposampayai, napihe–pihe pai' natonu-miraka.

Yohanes 6:23

Ngkai ree, rata wo'o tauna ngkai ngata Tiberias hi rala sakaya-ra, pai'-ra mencore mohu' hi pongkonia'-ra ntodea wengi, to mpokoni' roti to nagane' Pue' Yesus.

Yohanes 6:51

Aku' toi-mi pongkoni' to mana'u tumai ngkai suruga, pongkoni' to tuwu'. Tauna to ngkoni' pongkoni' toi tuwu' duu' kahae–hae-na. Pongkoni' to tuwu' tohe'i, batua-na woto-ku to kupewai' bona manusia' mporata katuwua'.”

1 Korintus 10:16

Ane mpo'inu-ta anggur mpokiwoi raa' Kristus to rabowo hi kaju parika', mpo'uli'-ta tarima kasi hi Pue' Alata'ala, pai' ta'inu hangkaa–ngkania. Ha uma toe-mi tanda kakita'-na ntodea-na Kristus to natolo' hante kamate-nae? Pai' ane mpobagi-ta roti takoni' hangkaa–ngkania mpokiwoi kamate-na Kristus hi kaju parika', ha uma toe-mi tanda kakita'-na bagia–bagia hi rala woto Kristus-e?

Galatia 1:4

Pue' Yesus mpewai' woto-na rapatehi mpotolo' jeko'-ta, bona nabahaka-ta ngkai kuasa dunia' to dada'a toi. Nababehi toe ntuku' konoa Alata'ala Tuama-ta.

Efesus 5:2

Hi po'ingku-ta eo–eo-na, kana ma'ahi'-ta hi doo, hewa Kristus wo'o mpoka'ahi'-ta; napewai' woto-na rapatehi bona mpotolo'-ta. Pobabehi-na toe mpakagoe' nono Alata'ala, hewa pepue' to mohonga to ratonu hi Hi'a.

1 Tesalonika 5:18

pai' mpo'uli' tarima kasi hi Alata'ala nau' ba napa to jadi', apa' toe-mi konoa Alata'ala hi kita' to mosidai' hante Kristus Yesus.

Titus 2:14

Napewai' woto-na rapatehi mpotolo' jeko'-ta, nabahaka-ta ngkai hawe'ea kehi-ta to dada'a, napakaroli'-ta pai' napajadi'-ta ntodea-na pai' bagia-na, to baka' mpobabehi kehi to lompe'.

1 Petrus 2:24

Nakolo huku' jeko'-ta hi woto-na moto hi karapatehi-na hi kaju parika', bona tebahaka-ta ngkai kuasa jeko' pai' tuwu' ntuku' konoa Alata'ala-tamo. Ngkai weho-na toe-mi pai' alaa-na mo'uri'-mokoi.