Lukas 21:8 - Buku Tomoroli' Pojanci to Bo'u

⁸ Na'uli' Yesus: ”Pelompehi, neo'-koi ma'ala rabagiu. Apa' wori' mpai' tauna to mehupa' to mpo'uli' kahira'-na Magau' Topetolo'. Ria wo'o to mpo'uli' karata-na mpu'u Eo Kiama. Aga neo' nituku'-ra.

Lukas 21:8 Iomraidhean Croise

Matius 24:11

Pai' mehupa' wo'o wori' nabi boa' to mpobagiu wori' tauna.

Matius 3:2

na'uli'-raka: ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Matius 4:17

Ntepu'u ngkai ree, Yesus mpoparata Lolita Pue', na'uli': ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Lukas 17:23

Nto'u toe mpai', ria to mpo'uli'-kokoi: ’Magau' Topetolo' oe-imi ria!’ Ba ria to mpo'uli': ’Ohe'i-imi!’ Aga neo'-koi hilou mpotuku'-ra!

Lukas 21:7

Ngkai ree, mepekune'-ra ana'guru-na mpekune'-i: ”Guru, nto'uma mpai' kadupa'-na to nu'uli' toe-e we'i? Pai' napa mpai' to jadi' tanda ane neo' madupa'-pi?”

Lukas 21:9

Neo' wo'o-koi me'eka' mpo'epe kareba to mpo'uli' wori' tauna manga'e pai' mpo'ewa topoparenta. Apa' hawe'ea tohe'e kana jadi' mperi'ulu. Tapi' ko'ia-hawo rata mpu'u-mi kahudua dunia'.”

Yohanes 5:43

Katumai-ku toi, mpokeni-a hanga'-na Tuama-ku, aga uma-koi dota mpotarima-a. Ane ria to tumai mpokeni hanga'-ra moto-wadi, nitarima lau-ra.

Yohanes 8:24

Toe pai' ku'uli'-kokoi, mate-koi mpai' ntali jeko'-ni. Apa' ane uma nipangala' lolita-ku to mpo'uli' kahema-ku, bate mate mpu'u-koi ntali jeko'-ni.”

Yohanes 8:28

Toe pai' na'uli' tena-raka: ”Ane nipokalangko-apa mpai', Aku' Ana' Manusia', lako' ni'inca-di ka'Aku'-nami. Uma ria hanyalaa to kubabehi ntuku' konoa-ku moto. Muntu' mpo'uli'-a napa to natudui'-ka Tuama-ku.

1 Korintus 6:9

Ha uma ni'incai ompi', tauna to dada'a kehi-ra, uma-ra jadi' ntodea-na Alata'ala hi rala Kamagaua'-na. Neo'-koi ma'ala rabagiu. Tauna to mogau' sala', to mepue' hi pinotau, topobualo', tomane to mpotobine hingka tomane, tobine to hampoturua hingka tobine,

Efesus 5:6

Jadi', neo'-ta ma'ala rabagiu hante lolita tauna to doko' mpohinai-ta mpobabehi gau' to hewa toe. Bate uma makono lolita-ra toe. Apa' ngkai gau'–gau' to hewa toe, Alata'ala mpokaroe tauna to uma mengkoru hi Hi'a.

2 Tesalonika 2:3

Nau' ba beiwa mpu'u-mi lolita doo, neo'-koi ma'ala rabagiu. Apa' kako'ia-na rata eo toe, to ronyala toi ulu kana jadi': wori' tauna ngkala'ura ngkai pepangala'-ra, pai' mehupa'-mi hadua tauna to dada'a to mpo'ewa Alata'ala. Tauna to dada'a toei, molangko nono-na, mpopeliu tuwu'-nai ngkai hawe'ea to rapue' hi dunia'. Pai' daho'-i-hana mohura hi rala Tomi Alata'ala, mpo'uli' kahi'a-nami Alata'ala. Jadi', monoa' ami'-mi karatadi-na hi naraka.

2 Timotius 3:13

Tapi' tauna to dada'a pai' topebagiu, tampai lau-mi kadada'a kehi-ra. Mpobagiu-ra doo hante tudui'-ra to boa', ntaa' hante hira' wo'o-midi-rawo to tebagiu-e.

1 Yohanes 4:1

Ompi'–ompi' to kupe'ahi'! Neo' ncaliu nipangala' hawe'ea tauna to mpo'uli' ria Inoha' Alata'ala hi hira'. Petonoi ulu, ba mpu'u–mpu'u-ra ngkai Alata'ala ba uma-di. Apa' wori' nabi boa' modao' hiapa–apa.

2 Yohanes 1:7

Ku'uki'-kokoi tohe'i-e, apa' wori' topebagiu modao' hi humalili' dunia'. Uma-ra mpangala' kaYesus-na Magau' Topetolo' to mewali manusia'. Tauna to hewa toe, topebagiu-ra pai' bali' Kristus mpu'u-ra.

Pangila 1:3

Marasi'-i tauna to mpobasa lolita pelowa toi, pai' marasi' wo'o-ra to mpo'epe pai' mpotuku' napa to te'uki' hi rala-na, apa' neo' rata-mi kadupa'-na.

Pangila 12:9

Jadi', ule naga to bohe toei, ratadi-imi ngkai suruga. Hanga'-na, Ule Ncae, to rahanga' wo'o Magau' Anudaa' pai' Seta, to mpobagiu tauna to mo'oha' hi humalili' dunia'. Rapetadi-imi ngkai suruga hilou hi dunia' hante mala'eka–mala'eka doo-na.