Lukas 21:34 - Buku Tomoroli' Pojanci to Bo'u

³⁴ ”Mo'inga'–inga'-koi, neo'-koi sese' ntora mosusa' pai' nginu palangu–langu, ba ntora mpenonoi katuwu'-ni hi dunia', alaa-na lempe' moto-koi hi eo karata-ku. Apa' rata ncorobaa-a mpai'.

Lukas 21:34 Iomraidhean Croise

Matius 13:22

”Hawua' to monawu' hi olo' rui-hawo mpobatuai tauna to mpo'epe Lolita Alata'ala, aga sese'-ra ntora mpenonoi katuwu'-ra hi rala dunia'-wadi, pai' doko'-ra mporumpu rewa dunia'-wadi. Hawe'ea toe mposesei'-ra, alaa-na uma ria po'ohaa' Lolita Alata'ala hi rala nono-ra, pai' uma ria kalaua-na Lolita toe hi katuwu'-ra.

Markus 13:9

”Aga koi' tohe'i, mo'inga'–inga'-koi! Apa' koi' mpai' bate rahoko' pai' rakeni hi topohura agama. Raweba'-koi hi rala tomi posampayaa. Rabua'-koi hi topoparenta pai' hi magau' sabana petuku'-ni hi Aku'. Nto'u toe mpai', ria loga-ni mpo'uli'-raka pepangala'-ni hi Aku'.

Markus 4:19

aga sese'-ra ntora mpenonoi katuwu'-ra hi rala dunia' toi, doko'-ra mporumpu rewa dunia'-wadi, pai' wori' nyala kahinaa hi rala nono-ra. Hawe'ea toe mposesei'-ra, alaa-na uma ria po'ohaa' Lolita Alata'ala hi rala nono-ra, pai' uma ria kalaua-na lolita toe hi katuwu'-ra.

Lukas 10:41

Na'uli' Pue' Yesus: ”Ee' Marta! Sese' pai' kawuhe rahi-ko mpenonoi to wori' nyala.

Lukas 12:40

Hewa toe wo'o kana rodo ami'-mokoi mpopea-a, apa' uma ni'incai tempo karata-ku Aku' Ana' Manusia'.”

Lukas 17:3

Toe pai' kana mo'inga'–inga'-ta! ”Ane ompi'-ta mpobabehi to sala' hi kita', tudui'-i. Ane soho'-pi nono-na, ampungi-i.

Lukas 21:35

Karata-ku mpai' mporumpa' hawe'ea tauna hi dunia' hewa tewo' mpowoko' wulehu'.

Lukas 21:8

Na'uli' Yesus: ”Pelompehi, neo'-koi ma'ala rabagiu. Apa' wori' mpai' tauna to mehupa' to mpo'uli' kahira'-na Magau' Topetolo'. Ria wo'o to mpo'uli' karata-na mpu'u Eo Kiama. Aga neo' nituku'-ra.

Lukas 8:14

”Hawua' to monawu' hi laintongo' rui mpobatuai tauna to mpo'epe Lolita Alata'ala, aga ntora mpenonoi katuwu'-ra hi rala dunia', doko' mo'ua' pai' doko' mporata kagoea'. Hawe'ea toe mposesei'-ra, alaa-na uma-ra kaliliu mpotuku' Lolita Alata'ala, pai' uma ria kalaua-na hi katuwu'-ra.

1 Korintus 5:11

To ku'uli'-le, neo' niposigalo-raka to mpo'uli' mepangala' moto-ra hi Pue' Yesus, hiaa' mogau' sala' moto-rada, jampa, mepue' hi pinotau, mpotipo' doo, topalangu–langu, ba topebagiu. Bangku' mpohimpongkoni'-raka tauna to hewa toe, neo'!

1 Korintus 6:10

topanako, to jampa, topalangu–langu, to mpotipo' doo, topebagiu–tauna to hewa toera, uma-ra jadi' ntodea-na Alata'ala hi rala Kamagaua'-na.

Galatia 5:20

mepue' hi pue'–pue' ntani'-na ngkai Alata'ala, medoti, mohuku' hi doo, motuda', mohiri', moroe, mpopeliu woto-ta moto, doko' mogaa' pai' doko' me'ewa,

Filipi 4:6

Neo' mpokakoro' ba napa–napa. Hi butu nyala-na tida oa'-koi mosampaya, mekakae, merapi' hi Alata'ala, pai' mpo'uli' oa' tarima kasi.

Ibrani 12:15

Pelompehi bona neo' ria doo-ni to ngkala'ura ngkai Alata'ala pai' mpohuna ahi'-na. Pelompehi bona neo' mehupa' hi laintongo'-ni tauna to hewa kowo' to ria rasu-na, pai' to mpobalinai' kahintuwuaa'-ni, alaa-na wori' to tepakeni mojeko'.

2 Petrus 3:10

Aga bate rata moto-i mpai' Pue'-e! Pai' karata-na toe mekoncehi lia hewa karata topanako. Hi eo toe mokero langi' hante moni to paguru, pai' butu nyala-na pumpu ridi' nakoni' apu, pai' dunia' toi hante hawe'ea ihi'-na mampu hangkaa–ngkania.

2 Petrus 3:14

Toe-mi ompi'–ompi' to kupe'ahi', bula-ni mpopea eo toe, huduwukui-koi mpotuku' Pue', bona lompe' posidaia'-ni hante Hi'a, pai' bona uma ria kasalaia' ba ka'eaa'-ni ane rata-pokoi mpai' hi nyanyoa-na.

Pangila 3:3

Toe pai' ku'uli'-kokoi: kiwoi tudui' to ni'epe pai' to nitarima-mi owi. Tuku'-mi napa to ratudui'-kokoi tetu, medea-mokoi ngkai kalempe'-ni. Ane uma oa'-koi memata, tilou-a mpai' mpohirua'-kokoi. Pai' karata-ku toe hewa karata topanako, apa' uma mpai' ni'incai nto'uma karata-ku toe.