Lukas 21:3 - Buku Tomoroli' Pojanci to Bo'u

³ Na'uli' Yesus: ”Mpu'u ku'uli'-kokoi: tobalu to mpe'ahii' tuwu'-na tohe'e mai, meliu pewai'-na ngkai pewai' hawe'ea tauna toera lau.

Lukas 21:3 Iomraidhean Croise

Lukas 12:44

Mpu'u ku'uli'-kokoi, maradika-na mpo'ongko'-i pai' mpowai'-i kuasa mpewili' hawe'ea ka'uaa'-na.

Lukas 21:2

Mpohilo wo'o-i hadua tobalu to mpe'ahii' tuwu'-na mpopuna' rompepa' doi ngkala.

Lukas 21:4

Apa' hira' mewai' ngkai labi ka'uaa'-ra. Tapi' tobine toei, nau' hewa apa-mi kampe'ahii'-na, napewai' omea-mi-hana to ria hi hi'a, to naparaluu-hawo hi katuwu'-na.”

Lukas 4:25

Makono mpu'u lolita-ku toi: napa to jadi' tempo toi, bate hewa to jadi' hi tempo-na nabi Elia owi. Nto'u toe, tolu mpae ono mula hangaa mara eo, alaa-na rata oro' bohe hi hawe'ea ngata. Wori' moto tobine tobalu hi tana' Israel to mpe'ahii' tuwu'-ra nto'u toe.

Lukas 9:27

Pe'epei to ku'uli'-kokoi tohe'i: ria-koi mpai' hi rehe'i to ko'ia mate kako'ia-na nihilo Alata'ala jadi' Magau'.”

Suro 10:34

Na'uli' Petrus: ”Wae lau monoto mpu'u-mi ku'inca, Alata'ala uma mpelence tauna.

Suro 4:27

O Pue', lolita Daud tohe'e madupa' mpu'u-mi. Apa' hi rala ngata toi wengi, hintuwu' mpu'u-ramo Magau' Herodes Antipas pai' Pontius Pilatus, hante ntodea to Yahudi pai' tauna to bela-ra to Yahudi wo'o. Kahintuwua'-ra toe, doko' mpo'ewa Yesus, Batua-nu to Moroli' to nupelihi jadi' Magau' Topetolo'.

2 Korintus 8:12

Apa' ane ria nono-ta mewai', pai'-ta mewai' ntuku' napa-hawo to ria hi kita', goe'-i Alata'ala mpodoa pewai'-ta toe. Uma-i mperapi' pewai' to meliu ngkai pakulea'-ta.