Lukas 21:16 - Buku Tomoroli' Pojanci to Bo'u

^16-17 Nto'u toe mpai', hawe'ea tauna mpokahuku'-koi sabana petuku'-ni hi Aku'. Ntahawe' totu'a-ni, ompi'-ni, posantina-ni, pai' ema'-ni mpewai'-koi hi bali'-ni. Hantongo'-koi mpai' rapatehi.

Lukas 21:16 Iomraidhean Croise

Matius 10:21

”Rata mpai' tempo-na, hawe'ea tauna mpokahuku'-koi sabana petuku'-ni hi Aku'. Ria mpai' tauna to mpewai' ompi'-ra ba ana'-ra moto bona rapatehi sabana petuku'-ra hi Aku'. Ria wo'o ana' to mpo'ewa totu'a-ra pai' mpopatehi-ra. Aga tauna to tida mepangala' hi Aku' duu' hi ka'omea-na, bate mporata-ra kalompea' hi eo mpeno.

Markus 13:12

”Rata mpai' tempo-na hawe'ea tauna mpokahuku'-koi sabana petuku'-ni hi Aku'. Ria mpai' tauna to mpewai' ompi'-ra ba ana'-ra moto bona rapatehi sabana petuku'-ra hi Aku'. Ria wo'o ana' to mpo'ewa totu'a-ra pai' mpopatehi-ra. Aga tauna to tida mepangala' hi Aku' duu' hi ka'omea-na, mporata-ra kalompea' hi eo mpeno.

Lukas 12:53

To tuama mpo'ewa ana'-na tomane, ana' tomane mpo'ewa tuama-na. To tina mpo'ewa ana'-na tobine, pai' ana' tobine mpo'ewa tina-na. To piniana mpo'ewa minia-na, pai' to minia mpo'ewa piniana-na.”

Lukas 21:15

Aku' moto-damo mpai' to mpowai'-koi petompoi' to monoto, alaa-na uma ria haduaa ngkai bali'-ni to mpokule' mpobaro ba mposapuaka napa to ni'uli'.

Suro 12:2

Ngkai hawa'-na toe, Yakobus ompi'-na Yohanes rasumale'.

Suro 7:59

Bula-na Stefanus rapana', mekakae-imi, na'uli': ”Pue' Yesus, doa-mi kao'-ku!”

Pangila 12:11

Ompi'-ta toera, medagi-ramo mpodagi Magau' Anudaa'. Radagi-i hante kuasa raa' Ana' Bima to mate mpotolo' jeko'-ra. Radagi-i apa' rapangaku' oa' ka'Ana' Bima-na toe-mi Pue'-ra. Nau'-ra rabalinai' ba paia-na rapatehi mpu'u-ra, uma-ra ngkala'ura ngkai pangakua'-ra toe.

Pangila 2:13

Na'uli': Ku'inca hiapa po'ohaa'-ni, hi ngata kariaa-na pohuraa Magau' Anudaa'. Aga tida moto-koi mpangaku'-a. Nto'u karapatehi-na sabi'-ku Antipas, uma wa nisapu kanipangala'-ku. Antipas toei sabi'-ku to tida mpangaku'-a duu'-na rapatehi-i hi ngata-ni retu to nakuasai Magau' Anudaa'.

Pangila 6:9

Oti toe, kuhilo wo'o Ana' Bima toei mpobongka saa' kalima-na. Kuhilo hi une' meja' pontunua pepue', ria rate–rate tauna to rapatehi apa' mpokarebai-ra Lolita Alata'ala pai' uma-ra mengkala'ura ngkai pangakua'-ra kaYesus-na Pue'-ra.