Lukas 20:21 - Buku Tomoroli' Pojanci to Bo'u

²¹ Karata-ra hi Yesus, ra'uli'-mi to rapahawa' toera: ”Guru, ki'inca hawe'ea lolita-nu pai' tudui'-nu makono omea. Metudui'-ko hante kalonto'–lonto'-na mpo'uli' napa konoa Pue' Ala hi manusia', pai' uma-ko mpelence tauna.

Lukas 20:21 Iomraidhean Croise

Matius 22:16

Rarata-mi akala-ra: mpahawa'-ra ba hangkuja dua topetuku'-ra hante ba hangkuja dua tauna to tono' hi Magau' Herodes hilou hi Yesus. Ra'uli' mpo'uli'-ki: ”Guru, ki'inca Guru tau manoa'. Monoa' lia tudui'-nu mpo'uli' napa konoa Alata'ala hi manusia'. Uma nupengkorui ba hema–hema, apa' uma-ko mpelence tauna.

Markus 12:14

Karata-ra hi Yesus, ra'uli'-ki: ”Guru, ki'inca Guru tau monoa'. Metudui'-ko hante kalonto'–lonto'-na mpo'uli' napa konoa Alata'ala hi manusia'. Uma nupengkorui ba hema–hema, apa' uma-ko mpelence tauna. Toe pai' kipekune'-ko: ntuku' atura agama-ta, ba ma'ala moto-ta mpobayari paja' hi Kaisar, ba uma-di? Kana tabayari, ba uma mingki' tabayari?”

Lukas 20:20

Jadi' rapali' loga to lompe'. Mpopahawa'-ra tauna hilou mpolelemata-i. Tauna toera, ntani' hewa tauna to monoa' nono-ra, tapi' patuju-ra mpo'opa kasala' lolita-na, bona rapakilu-i hi gubernur.

Lukas 20:22

Jadi', toe pai' kiperapi' bona nu'uli'-kakai Guru: ntuku' atura agama-ta, ba ma'ala moto-ta mpobayari paja' hi Kaisar, ba uma-di?”

Yohanes 3:2

Rala-na hamengi, rata-i mpohirua'-ki Yesus, na'uli'-ki: ”Guru, to ki'inca, Iko hadua guru to nasuro Alata'ala, apa' uma ria tauna to bisa mpobabehi tanda mekoncehi hewa to nubabehi, ane uma-i nadohei Alata'ala.”

2 Korintus 2:17

Aga uma wo'o-kai hewa tauna hantongo' to doko' mponcawa babalua'-ra Lolita Alata'ala. Moroli' patuju-kai, makono lolita-kai, apa' Alata'ala-mi to mpohubui-kai ngkeni Kareba Kristus, pai' Hi'a wo'o to mpotiroi-kai.

Galatia 1:10

Jadi', beiwa-mi ompi'? Ha mpope'une' hi manusia'-a mpo'uli' lolita-ku toe-e we'i? Uma-e'. Doko' mporata pe'une' ngkai Alata'ala-a-wadi-kuna. Ba ni'uli'-koina wae-e ompi', doko' ngala' nono manusia'-a-wadi? Ane ke rapa'-na doko' ngala' nono manusia'-a-wadi, ke uma-a jadi' batua Kristus!

Galatia 2:6

Jadi', pangkeni hi Yerusalem to ra'uli' bohe pangka'-ra toe uma mpotampai ba napa–napa hi tudui'-ku. (Ba bohe mpu'u pangka'-ra ba uma, hibalia-wadi-kuna, apa' Alata'ala uma mpelence tauna.)