Lukas 2:9 - Buku Tomoroli' Pojanci to Bo'u

⁹ muu–mule' mehupa'-mi hadua mala'eka Pue' mpohirua'-raka, pai' kabaraka' Pue' mehini mpohinii-ra, alaa-na me'eka' lia-ramo.

Lukas 2:9 Iomraidhean Croise

Matius 1:20

Bula-na Yusuf mokanono mpopekiri toe, mo'ompo'-i. Ompo'-na toe, mpohilo-i hadua mala'eka Pue' to mpo'uli'-ki: ”Yusuf, muli Magau' Daud! Neo'-ko morara' mpotobine-i Maria. Apa' ana' to napotina'i-ki toe ria, jadi' ngkai baraka' Inoha' Tomoroli'.

Lukas 1:28

Karata-na mala'eka hi ria, na'uli'-ki Maria: ”Wori' tabe! Pue' mpogane'-ko pai' mpodohei-ko!”

Lukas 2:8

Hi mali ngata Betlehem, ria ba hangkuja dua topo'ewu. Bula-ra mpodoo bima-ra hi papada ngkabengia toe,

Lukas 24:4

Bula-ra mokore nakeni ka'ingu'-ra, muu–mule' mehupa' rodua tomane to moheai meringkila' mokore hi ncori-ra.

Yohanes 12:41

Lolita toe na'uki' nabi Yesaya owi, apa' nahilo ami'-mi kabaraka'-na Yesus, pai' nalowa-i.

Suro 12:7

Ntaa' we'i, hi bengi toe muu–mule' mehupa'-mi mala'eka Pue' hi rala tarungku', mokore hi ncori Petrus, pai' ria to mehini hi rala tarungku' toe. Mala'eka toei mpolengo–lengo Petrus mpolike-i, na'uli'-ki: ”Ee, pesahui memata!” Nto'u toe, hangaa mobongka moto-mi rante pohoo' pale-na Petrus.

Suro 27:23

Apa' ngkabengia ngone, Alata'ala to kupue', Alata'ala to jadi' Pue'-ku, mpopahawa' mala'eka-na mpohirua'-ka.

Suro 5:19

Ngkabengia toe, hadua mala'eka Pue' mpobea wobo' tarungku' pai' nakeni-ra hilou hi mali-na. Na'uli' mala'eka toei mpo'uli'-raka:

2 Korintus 3:18

Jadi', hawe'ea-ta to mepangala' hi Pue', uma-pi ria karamua to mpoputu' nono-ta. Ta'inca kabaraka'-na Pue', pai' baraka'-na toe mpobalii' ncuu-mi nono-ta. Kahaa–haea, katedoo–donihia baraka' Pue' hi rala tuwu'-ta duu'-na hibalia hante Hi'a-tamo. Inoha' Pue' moto-mi to mpobago bago toe hi rala nono-ta.

2 Korintus 4:6

Apa' nto'u Alata'ala mpopajadi' langi' pai' dunia', na'uli' hewa toi: ”Ngkai kabengia-na mehupa' baja!” Pai' Alata'ala toe wo'o-mi to mpobajahi nono-ta, bona ta'inca kabohe tuwu'-na. Hewa to Yahudi owi mpohilo pehini-na Alata'ala hi lio-na Musa, wae wo'o ta'inca kabohe tuwu'-na Alata'ala ane ta'inca-imi Yesus Kristus.

1 Timotius 3:16

Uma mowo kalompe'-na tudui' to tatuku' hi pengkoru-ta hi Alata'ala. Ngkai owi, tudui' toe ko'ia rapopehuwu hi manusia', tapi' hewa toe lau napopehuwu-mitaka Alata'ala. Apa' mepangala'-ta hi Alata'ala to mewali manusia'. Inoha' Tomoroli' mpakanoto kahema-na, pai'-i rahilo mala'eka. Rapalele kareba-na hi tauna to ko'ia mpo'incai Alata'ala. Tauna hi humalili' dunia' mepangala' hi Hi'a. Ra'ongko'-imi hilou hi suruga, pai'-i rawai' kabohea tuwu'.

Ibrani 12:21

Napa to ranyanyo to Yahudi toe mewulungahi lia. Bangku' nabi Musa-hawoe', na'uli': ”Me'eka' pai' moridi'-a-kuna.”

Pangila 18:1

Kahudu-na lolita mala'eka toei, kuhilo wo'o-mi mala'eka kahadua-na mana'u ngkai suruga. Bohe lia baraka'-na, ngkai pehini-na humalili' dunia' mobaja.

Pangila 20:11

Oti toe kuhilo hameha' Pohuraa to bula pai' to bohe, pai' kuhilo wo'o Hadua To Mohura hi lolo Pohuraa toe. Ngkai baraka'-na langi' pai' dunia' moronto hi ntololikia-na, duu'-na uma-pi ria.