Lukas 2:7 - Buku Tomoroli' Pojanci to Bo'u

⁷ Mo'ana' mpu'u-imi, hadua ana' tomane, ana' ulumua'-na. Ana'-na toei naputu' pai' napopoturu hi rala paiwa', apa' ihia'-mi tomi torata.

Lukas 2:7 Iomraidhean Croise

Matius 1:25

Aga ko'ia-ra hampoturua, duu'-na Maria mo'ana'. Kaputu-na ana' toei, Yusuf mpohanga'-i Yesus.

Matius 13:55

Bo ana' topowangu tomi-i-wadi-hawo. Tina-na, Maria. Ompi'-na hira' Yakobus, Yusuf, Simon pai' Yudas.

Matius 8:20

Yesus mpotompoi'-i, na'uli': ”Bangko' ria pulo'u-ra, pai' danci ria peta-ra. Aga Aku' Ana' Manusia', uma-kuna ria tomi-ku kupoturui.”

Lukas 10:34

Kahilou-nami mpomohui'-i, nabohoi' weho-na hante lana pai' anggur pai' nawewe. Oti toe napopehawi'-i hi keledai-na pai' nakeni-i hilou hi tomi torata, pai' napodoo-i hi ree.

Lukas 2:6

Nto'u-ra hi Betlehem toe, rata-mi tempo-na Maria mo'ana'.

Lukas 2:8

Hi mali ngata Betlehem, ria ba hangkuja dua topo'ewu. Bula-ra mpodoo bima-ra hi papada ngkabengia toe,

Yohanes 1:14

Lolita toei, mewali manusia'-imi, pai'-i mo'oha' hi laintongo'-ta. Kai', kihilo-mi-kaina kabaraka'-na. Kabaraka'-na toe narata ngkai Tuama-na, apa' Hi'a-mi Ana'-na to Hadudua. Ngkai Hi'a toe-mi pai' alaa-na ta'inca Alata'ala pai' kabula rala-na hi kita'.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

Galatia 4:4

Aga karata-na tempo to napakatantu Alata'ala, napahawa'-mi Ana'-na tumai hi dunia'. Ana'-na toei putu ngkai hadua tobine, pai'-i mewali to Yahudi to mengkoru hi Atura Musa.