Lukas 2:21 - Buku Tomoroli' Pojanci to Bo'u

²¹ Ntuku' ada-ra to Yahudi, kahono'-na walu eo umuru-na, Ana' toei ratini' pai' rahanga'-i Yesus, hanga' to nahanga'-ki mala'eka kako'ia-na napotina'i-ki tina-na.

Lukas 2:21 Iomraidhean Croise

Matius 1:21

Mo'ana'-i mpai', hadua ana' tomane. Ana' toei mpai', kana nuhanga'-i ’Yesus,’ apa' Hi'a mpai' to mpohore ntodea-na ngkai jeko'-ra.”

Matius 1:25

Aga ko'ia-ra hampoturua, duu'-na Maria mo'ana'. Kaputu-na ana' toei, Yusuf mpohanga'-i Yesus.

Matius 3:15

Natompoi' Yesus: ”Niu'-ama-hana. Natao moto tababehi toi, bona tatuku' hawe'ea konoa Alata'ala.” Ngkai ree, naniu' mpu'u-imi.

Lukas 1:31

Motina'i-ko mpai', pai'-ko mo'ana', hadua ana' tomane. Ana' tetu mpai' kana nuhanga' Yesus.

Lukas 1:59

Ntuku' ada-ra to Yahudi, kahono'-na walu eo umuru-na ana' toei, tumai-ramo tongki pai' ompi'-ra mpotini'-i ntuku' ada-ra to Yahudi. Patuju-ra doko' mpohanga'-i Zakharia, mpongkona'-ki tuama-na moto, ntuku' ada-ra.

Filipi 2:8

Pai' ka'oti-nai jadi' manusia', mengkadingki'-imi, pai'-i mpotuku' hawa' Alata'ala, duu'-na mate raparika' hewa hadua tauna to dada'a.