Lukas 2:20 - Buku Tomoroli' Pojanci to Bo'u

²⁰ Nculii'-ramo topo'ewu toera, pai' halengko ohea mpo'une' pai' mpobila' Alata'ala-ramo, apa' hawe'ea to ra'epe pai' to rahilo, bate hewa to na'uli'-raka mala'eka.

Lukas 2:20 Iomraidhean Croise

Matius 9:8

Karahilo-na ntodea to jadi' toe, me'eka'-ramo, ra'uli': ”Uma mowo-e' baraka'-na Alata'ala! Nawai' mpu'u-tano kuasa to bohe hewa toe hi manusia'-e!”

Markus 1:7

Mpopalele-i kareba toi: ”Ngkabokoa' ngkai aku', tumai mpai' to meliu kuasa-na ngkai aku'. Bangku' mowilingkudu mpobongka koloro sapatu'-na, uma-a-kuwo natao.

Lukas 18:43

Ncaliu pehilo mpu'u-imi. Ngkai ree, ntora mpotuku' Yesus-imi, pai' mpo'uli' wori' tarima kasi hi Alata'ala. Hawe'ea tauna to mpohilo kajadia' toe, mpo'une' Alata'ala-ramo.

Suro 11:18

Kara'epe-na toporumpu toera lolita Petrus, rabahakai-mi mposalai'-i. Mpo'une' Alata'ala lau-ramo, ra'uli': ”Ane wae-tano, natarima moto-ra-rawo Alata'ala tauna to bela-ra to Yahudi, napalogai-ra medea ngkai jeko'-ra duu'-na mporata katuwua' to lompe' duu' kahae–hae-na.”