Lukas 2:14 - Buku Tomoroli' Pojanci to Bo'u

¹⁴ ”Mai-tamo mpo'une' Alata'ala to hi suruga! Pai' hi dunia', tauna to napokono mporata kalompea' tuwu'.”

Lukas 2:14 Iomraidhean Croise

Matius 21:9

Wori' tauna mpotuku'-i, ria-ra to meri'ulu, ria wo'o-ra to hi boko'. Ntora mogora-ra mpo'uli': ”Une'-imi muli Magau' Daud!” ”Pue' Ala mpogane' Magau' to tumai mpokeni hanga'-na!” ”Une'-imi Pue' Ala to hi rala suruga!”

Lukas 1:79

Tumai-i mpobajahi nono tauna to hi rala kabengia-na pai' to me'eka' mpoka'eka' kamatea. Natete'-ta hi ohea to mpotoa' kalompea' tuwu'.”

Lukas 19:38

Ra'uli' hi rala pe'une'-ra: ”Pue' Ala mpogane' Magau' to tumai mpokeni hanga'-na!” ”Une'-imi Pue' Ala to hi suruga, apa' nawai'-tamo kalompea'.”

Lukas 2:13

Hampinisi mata mehupa' wo'o-mi wori' mala'eka to ngkai suruga dohe mala'eka to lomo'-na we'i. Mpo'une'-ra Alata'ala, ra'uli':

Lukas 2:15

Ngkai ree, nculii'-ramo mala'eka hilou hi suruga, pai' mohawa'-ramo topo'ewu toera, ra'uli': ”Kita-mi hilou hi Betlehem mpohilo kajadia' to na'uli'-taka Pue'.”

Lukas 3:22

pai' Inoha' Tomoroli' mana'u tumai dungku hi Yesus, lence-na hewa danci mangkebodo. Pai' Alata'ala mololita ngkai suruga mpo'uli'-ki Yesus: ”Iko toi-mi Ana'-ku to kupe'ahi'. Iko-mi to mpakagoe' nono-ku.”

Yohanes 14:27

”Kalompea' kutu'u-kokoi. Kalompea' to ngkai Aku' moto-mi to kuwai'-kokoi. To kuwai'-kokoi toi-e, uma hewa to nirata ngkai dunia' toi. Neo' susa' nono-ni, pai' neo' me'eka'.

Yohanes 17:4

Hi rala dunia' toi kupopehuwu-mi kabohe tuwu'-nu Mama, kuposipolea-mi bago to nuwai'-ka.

Yohanes 3:16

Hewa toi-mi Alata'ala mpoka'ahi' hawe'ea tauna hi dunia', alaa-na napewai' Ana'-na to Hadudua, bona hema–hema to mepangala' hi Ana'-na toe, uma-ra mporata huku', tapi' mporata-ra katuwua' to lompe' duu' kahae–hae-na.

Suro 10:36

Toi-mi kareba to naparata Alata'ala hi kai' to Yahudi, kareba to mpakanoto ohea-na bona posidaia' Alata'ala hante manusia' ma'ala jadi' lompe' nculii' hante petolo'-na Yesus Kristus. Yesus toei, Pue' hawe'ea manusia'.

Roma 5:1

Jadi', apa' lawi' monoa'-tamo hi poncilo Alata'ala ngkai pepangala'-tae, lompe'-mi posidai'-ta hante Alata'ala sabana Pue'-ta Yesus Kristus.

Efesus 1:6

Toe pai' masipato' ta'une'-i Alata'ala, apa' uma mowo kabohe ahi'-na hi kita'. Ngkai kabula rala-na nawai' maraa-ta ahi'-na toe ngkai posidaia'-ta hante Yesus, Ana'-na to nape'ahi'.

Efesus 1:9

Ntuku' konoa-na moto, napopo'incai-ta patuju-na to uma ra'incai manusia' ngkai owi. Patuju-na toe: bona butu nyala-na, lompe' to hi suruga ba to hi dunia', napopohintuwu' hi posidai'-ra hante Kristus, pai' Kristus-mi to jadi' hewa Woo' ngkai butu nyala-na. Ngkai owi Alata'ala mpakatantu ami'-mi patuju-na to nababehi hante Kristus toe, pai' patuju-na toe bate napadupa' ane rata-pi tempo-na.

Efesus 2:4

Aga uma mowo kalompe' nono-na Alata'ala, uma mowo kabohe ahi'-na to napopohiloi-taka.

Efesus 2:7

Patuju Alata'ala, bona hi eo–eo to tumai, natudo' ka'uma-na mowo kabohe ahi'-na pai' kalompe' nono-na hi kita', to tarata ngkai posidaia'-ta hante Kristus Yesus.

Filipi 2:11

pai'-ra mpangaku': Yesus Kristus, Hi'a-mi Pue', alaa-na Alata'ala to Tuama rapomobohe.

Filipi 2:13

Apa' Alata'ala moto-mi to mobago hi rala nono-ni, pai' alaa-na dota-koi mpotuku' konoa-na, pai' nawai' wo'o-koi karohoa mpotuku' konoa-na.

Kolose 1:20

Alata'ala mpohubui Ana'-na tumai mate hi kaju parika', bona hawe'ea to ria rapopohintuwu' nculii' hante Hi'a, lompe' to hi dunia' lompe' to hi suruga. Kamate-na Yesus hi kaju parika' toe-mi to mpopohintuwu' hawe'ea-na hante Alata'ala.

2 Tesalonika 2:16

Alata'ala mpopohiloi-tamo ahi'-na, pai' napakaroho nono-ta duu' kahae–hae-na pai' nawai'-ta poncarumakaa to lompe' sabana kabula rala-na. Toe pai' mekakae-a hi Pue'-ta Yesus Kristus hante Alata'ala Tuama-ta

Pangila 5:13

Ngkai ree ku'epe wo'o-mi hawe'ea to tuwu' hi suruga, hi dunia', hi rala tana' pai' hi rala tahi'–hawe'ea to tuwu' mpo'uli': ”To Mohura hi Pohuraa Magau' pai' Ana' Bima toei ta'une', tabila', tapomobohe hanga'-ra, pai' tapotompo'wiwi baraka'-ra, duu' kahae–hae-na!”