Lukas 2:10 - Buku Tomoroli' Pojanci to Bo'u

¹⁰ Na'uli' mala'eka toei mpo'uli'-raka: ”Neo'-koi me'eka', apa' katumai-ku toi mpokeni kareba lompe' hi koi', kareba to mpakagoe' lia hawe'ea tauna.

Lukas 2:10 Iomraidhean Croise

Matius 14:27

Ncaliu na'uli'-raka Yesus: ”Pakaroho nono-ni! Neo' me'eka'! Aku'-mile toi-e.”

Matius 28:18

Yesus mpomohui'-ra pai' na'uli'-raka: ”Hawe'ea kuasa hi suruga pai' hi dunia' ratonu-maka.

Matius 28:5

Na'uli' mala'eka mpo'uli'-raka tobine toera: ”Neo'-koi me'eka', ku'inca moto mpali'-koi Yesus to mate raparika'.

Markus 1:15

na'uli': ”Neo' rata-mi tempo-na Alata'ala jadi' Magau' hi dunia'! Medea-mokoi ngkai jeko'-ni, pangala'-mi Kareba Lompe'.”

Markus 16:15

Na'uli'-raka: ”Hilou-mokoi hi humalili' dunia', mpopalele Kareba Lompe' hi hawe'ea tauna.

Lukas 1:13

Na'uli' mala'eka toei: ”Zakharia, neo'-ko me'eka', apa' Pue' Ala mpo'epe pomperapia'-nu. Elisabet tobine-nu mo'ana' mpai', hadua ana' tomane. Ana' tetui kana nuhanga' Yohanes.

Lukas 1:19

Natompoi' mala'eka toei: ”Aku' toi Gabriel, pahawaa' Alata'ala to ngkai suruga. Alata'ala mposuro-a tumai mpoparata-koko kareba toe.

Lukas 1:30

Na'uli' wo'o-mi mala'eka: ”Neo'-ko me'eka' Maria, apa' iko-mi to napokono Alata'ala bona mporata pegane'-na.

Lukas 2:11

Eo toe lau hi ngata Magau' Daud, putu-mi Magau' Tompohore-koi ngkai huku' jeko'-ni, Hi'a-mi Kristus, Pue'.

Lukas 24:47

Pai' hi rala hanga'-ku Kareba Lompe' kana rapalele hi hawe'ea tauna, bona medea-ra ngkai jeko'-ra pai' Alata'ala mpo'ampungi-ra. Kareba toe kana rapalele hi humalili' dunia', ntepu'u ngkai Yerusalem.

Lukas 8:1

Oti toe, Yesus mpodaoi' wori' ngata mpopalele Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Ana'guru-na to hampulu' rodua mpodohei-i.

Suro 13:32

”Jadi' ompi'–ompi', hewa toe lau, kai'-mi to mparata-kokoi Kareba Lompe' tohe'i. Napa to najanci Alata'ala owi hi ntu'a-ta, napadupa' hi kita' muli-ra tempo toi-e hi kanapotuwu'-na nculii' Yesus ngkai kamatea. Hewa to te'uki' hi rala Rona' Daud karomeha'-na: ’Iko-mi Ana'-ku. Eo toe lau kupo'Ana'-moko.’

Roma 10:15

Pai' hema mpai' to mpokarebai-raka ane uma hema to rasuro? Hewa to te'uki' owi hi rala Buku Tomoroli': ”Lompe' lia karata tauna to mpokeni kareba lompe'!”

Efesus 3:8

Ngkai hawe'ea topepangala' hi Pue' Yesus, aku' toi-mi-kuna to meliu kakedi' tuwu'-ku. Aga nau' wae, aku' lau-di to napompowaii' rasi' toe, bona aku' to mpopalele Kareba Lompe' hi tauna to bela-ra to Yahudi, mpo'uli'-raka kabohe rasi' to tarata ngkai Kristus, to uma bisa rapetudu manusia'.

Kolose 1:23

Toe-mi ompi', tida-mokoi mepangala', neo' mogego', neo' nipelele' ba hema–hema to doko' mpobagiu-koi. Perohoi ngkakamu tudui' to ni'epe-mi. Neo' nibahakai ncarumaka napa to najanci-kokoi Alata'ala hi rala Kareba Lompe'. Kareba Lompe' toe, rapalele-mi hi humalili' dunia'. Pai' aku', jadi' pahawaa' Pue' wo'o-ama-kuwo, mpopalele Kareba toe.