Lukas 19:47 - Buku Tomoroli' Pojanci to Bo'u

⁴⁷ Butu eo-na Yesus metudui' hi Tomi Alata'ala. Imam pangkeni hante guru agama pai' pangkeni to Yahudi ntani'-na mpali' akala-ra doko' mpatehi-i,

Lukas 19:47 Iomraidhean Croise

Matius 21:23

Mesua' wo'o-imi Yesus hi rala Tomi Alata'ala pai' metudui'. Bula-na metudui', rata-ramo imam pangkeni hante totu'a to Yahudi mpekune'-i, ra'uli': ”Uli'-kakai, ngkaiapa huraa-nu mpobabehi hawe'ea tetu hi Tomi Alata'ala! Hema to mpowai'-ko kuasa hewa tetu?”

Matius 26:55

Nto'u toe, na'uli' wo'o-mi Yesus mpo'uli'-raka tauna to wori' toera: ”Ha toperampaki-a toi-e, pai' mingki' tumai-koi ntali piho' pai' sumampu mpohoko'-ae! Butu eo-na mohura moto-a hi rala Tomi Alata'ala metudui', napa pai' uma-a nihoko' nto'u toe?

Markus 11:18

Kara'epe-na imam pangkeni pai' guru agama napa to nababehi Yesus toe, rapali'-mi akala-ra doko' mpopatehi-i. Koro'-ra, apa' hawe'ea tauna goe' mpo'epe tudui'-na.

Markus 12:12

Kara'epe-na pangkeni to Yahudi lolita-na Yesus tohe'e, doko' rahoko'-i apa' ra'inca kahira'-na to natoa' hante lolita rapa' toe. Aga uma-ra daho' mpohoko'-i, apa' mpoka'eka'-ra ntodea. Jadi', malai-ramo mpalahii-i.

Markus 14:1

Ro'eo-damo rata-mi Eo Paskah pai' Posusa' Roti to uma Raragii. Imam pangkeni pai' guru agama bula-ra mpali' akala-ra mpolede Yesus bona rapatehi bongo-i.

Markus 14:49

Butu eo-na ria moto-a dohe-ni hi Tomi Alata'ala metudui', napa pai' uma-a nihoko' nto'u toe? Aga tohe'i kana jadi', bona madupa'-mi to te'uki' hi rala Buku Tomoroli'.”

Lukas 19:48

aga uma ria ohea-ra mpobabehi anu hi nono-ra, apa' lutu-ramo ntodea mpe'epei lolita-na.

Lukas 20:19

Guru agama pai' imam pangkeni mpo'inca kahira'-na to natoa' Yesus hante lolita rapa'-na toe we'i. Toe pai' ria-mi nono-ra doko' mpohoko'-i hi jaa toe wo'o. Aga uma-ra daho', apa' mpoka'eka'-ra ntodea.

Yohanes 10:39

Mpo'epe toe-di, to Yahudi doko' wo'o-ramo mpohoko'-i, aga tepetibo' moto-i.

Yohanes 18:20

Na'uli' Yesus: ”Kabiasaa-ku, mololita hante kalonto'–lonto'-na hi hawe'ea tauna. Metudui'-a hi tomi posampayaa pai' hi Tomi Alata'ala, hi kabiasaa-ta kita' to Yahudi morumpu. Uma ria to kuwunii'-na.

Yohanes 7:19

Nabi Musa owi mpowai'-koi Atura Pue'. Tapi' uma-koi ria haduaa to mpotuku' Atura toe. Napa pai' doko' nipatehi-a?”

Yohanes 7:44

Ria-ra to doko' mpohoko'-i, aga uma hema to dungku pale-ra.