Lukas 19:44 - Buku Tomoroli' Pojanci to Bo'u

⁴⁴ Raropuhi mpai' ngata-ni hante hawe'ea ihi'-na, duu'-na uma-pi ria watu to bate pomeduncu-na. Apa' uma-koina nisaile' karata-na Pue' Ala doko' mpotulungi-koi.”

Lukas 19:44 Iomraidhean Croise

Matius 24:2

Na'uli' Yesus mpo'uli'-raka: ”Nihilo wa hawe'ea tohe'e-e lau? Bona ni'inca: uma mpai' ria hamehaa' watu to bate pomeduncu-na. Bate ragero omea mpai'.”

Markus 13:2

Na'uli' Yesus: ”Nuhilo wa tomi to bohe toe-e lau? Uma mpai' ria hamehaa' watu to bate pomeduncu-na. Bate ragero omea mpai'.”

Lukas 1:68

”Mai-tamo kita' muli Israel, mpo'une' Alata'ala Pue'-ta! Apa' hompo-imi tumai mpotulungi-ta kita' ntodea-na. Tumai-i mpobahaka-ta ngkai bali'-ta.

Lukas 1:78

Apa' ma'ahi' lia Alata'ala Pue'-ta. Toe pai' hompo-imi tumai mpotulungi-ta. Tumai-i ngkai suruga hewa eo mebere'.

Lukas 19:42

Na'uli': ”Mpe'ahii'-koi to Yerusalem! Uma mowo kalompe'-na ane ke ni'inca napa to ngkeni-kokoi kalompea' tuwu' hi eo toe lau. Aga hawe'ea toe teleru ngkai mata-ni.

Lukas 21:6

”Rata mpai' tempo-na hawe'ea to nihilo toe lau ragero, uma-pi mpai' ria hamehaa' watu to bate pomeduncu-na.”

1 Petrus 2:12

Pontu-na ria tauna to uma mpo'incai Pue' to mpobalihi-koi, ra'uli' dada'a gau'-ni. Toe pai' kana nipelompehi mpu'u po'ingku-ni, bona rahilo kalompe' po'ingku-ni toe. Ka'omea-na mpai', rapangaku'-mi kalompe' po'ingku-ni, pai' mpo'une' Alata'ala-ramo hi eo karata-na.