Lukas 19:17 - Buku Tomoroli' Pojanci to Bo'u

¹⁷ ”Na'uli' magau' toei: ’Lompe'-mi, iko pahawaa' to lompe'. Wae-pi, apa' monoa'-ko hi to hangkedi', ku'ongko'-moko jadi' topohawa' to mpohawai' hampulu' ngata.’

Lukas 19:17 Iomraidhean Croise

Matius 25:21

”Na'uli' maradika-na: ’Lompe'-mi! Nupopomako' lompe' pobago to kuwai'-koko. Wae-pi, apa' lawi' monoa'-ko hi to hangkedi', kusarumaka lau-moko hi to wori'. Mai-moko, mo'oha' hante aku', pai' goe'-moko hangkaa–ngkania hante aku'.’

Lukas 16:10

Tauna to ma'ala rasarumaka hante rewa to hangkedi', ma'ala wo'o-i rasarumaka hante rewa to wori'. Tauna to uma monoa' kehi-na hante rewa to hangkedi', uma wo'o mpai' monoa' kehi-na hante rewa to wori'.

Lukas 19:16

To lomo'-na rata pai' na'uli': ’Magau', doi bulawa to hampepa' to nuwai'-ka, ria-mi ana'-na hampulu'.’

Lukas 19:18

”Pahawaa' karodua-na rata wo'o pai' mpo'uli': ’Magau', doi bulawa to hampepa' to nuwai'-ka, jadi' lima mpepa'-mi.’

Lukas 22:30

Toe pai' goe' wo'o-ko-koiwo mpai' ngkoni' pai' nginu dohe-ku hi rala Kamagaua'-ku ane jadi' Magau'-apa mpai'. Pai' mohura moto-koi mpai' hi pohuraa to hampulu' romeha', mpoparentai to Israel to hampulu' rontina.”

Roma 2:29

To Yahudi to jadi' ntodea Alata'ala mpu'u-le, tauna to jadi' to Yahudi hi rala nono-ra, pai' to ratini' hi rala nono-ra. Batua-na, pobago Inoha' Tomoroli' hi rala nono-ra mpopajadi'-ra ntodea Alata'ala, uma-ra jadi' ntodea Alata'ala hi kampotuku'-ra atura–atura to te'uki'. Tauna to hewa toe-mi to na'une' Alata'ala. Nau' manusia' uma mpo'une'-ra, aga Alata'ala bate mpo'une'-ra.

1 Korintus 4:5

Toe-mi ompi', neo' mpotuntui' doo ba lompe' pobago-na ba uma. Popea karata-na nculii' Pue'. Hi'a moto mpai' to mpowongka hawe'ea to tewuni hi rala kabengia-na, Hi'a to mpopehuwu hawe'ea patuju to hi rala nono manusia'. Nto'u toe-damo mpai', butu dua tauna mporata pe'une' ngkai Alata'ala hewa to kasipato'-na.

2 Timotius 2:10

Toe pai' ku'agi-mi mpengkatarii hawe'ea toi-e. Nau'-a rabalinai', kupalele oa' Lolita Alata'ala, bona tauna to napelihi-mi mpo'epe pai' mpopangala', duu'-na mporata-ra kalompea' pai' katuwua' to ncola duu' kahae–hae-na ngkai posidaia'-ra hante Kristus Yesus.

1 Petrus 1:7

pai' patuju-na bona rapongincai karoho pepangala'-ni. Bulawa raparesa' hante apu raponciloi-ki ba bulawa mpu'u-idi ba bela-di. Pai' pepangala'-ni toe, meliu kasuli' oli-na ngkai bulawa, apa' bulawa uma tida duu' kahae–hae-na. Jadi', hewa bulawa raparesa' hante apu, wae wo'o pepangala'-ni raparesa' hante pesori. Bona ane monoto mpu'u-damo pepangala'-ni, ra'une', rabila' pai' rapomolangko-koi mpai', nto'u karata-na nculii' Yesus Kristus hi dunia' toi.

1 Petrus 5:4

Pai' ane rata-ipi mpai' Poko Topo'ewu, nawai'-koi songko pedagia, to uma ria kabalia' peringkila'-na.