Lukas 18:7 - Buku Tomoroli' Pojanci to Bo'u

⁷ Peliu–liu-nami Alata'ala doko' mpotulungi topetuku'-na to mekakae ncuu hi eo-na pai' hi bengi-na. Ba ni'uli'-koina, napeka'au ncala' pai' lako' natulungi-rae?

Lukas 18:7 Iomraidhean Croise

Matius 24:22

Aga naredehi moto mpai' Alata'ala tempo kaparia toe, apa' ane uma naredehi tempo-na, bate uma ria haduaa to tuwu'. Jadi', apa' napoka'ahi'-ra tauna to napelihi, toe pai' naredehi mpai' tempo kaparia toe.

Matius 24:24

Apa' mehupa' mpai' wori' tauna to boa' to mpo'uli' kahira'-na Magau' Topetolo', ba to mpo'uli' kahira'-na nabi. Mpobabehi-ra tanda to mekoncehi lia pai' tanda to mobaraka', bona mpobagiu-ra wori' tauna. Ane ke ma'ala, ntahawe' tauna to napelihi Alata'ala rabagiu wo'o.

Matius 7:11

Nau' hewa apa-mi kadada'a-nie, ni'inca moto mpowai' to lompe' hi ana'-ni. Peliu–liu-nami Tuama-ni to hi rala suruga! Na'inca lia mpewai' to lompe' hi tauna to merapi' hi Hi'a.

Lukas 11:13

Nau' hewa apa-mi kadada'a-nie, ni'inca moto mpowai' to lompe' hi ana'-ni. Peliu–liu-nami Tuama-ni to ria hi rala suruga! Bate nawai' Inoha' Tomoroli' hi tauna to merapi' hi Hi'a.”

Lukas 21:28

Ane hawe'ea toe ntepu'u majadi', pakaroho-mi nono-ni pai' mengoa'-mokoi, apa' neo' rata-mi tempo-na rabahaka-koi ngkai kaparia-ni.”

Roma 8:33

Hema to daho' mpakilu-ta, to mpolia' napelihi-mi Alata'ala! Apa' Alata'ala moto-mi mpo'uli' uma-pi ria sala'-ta.

Kolose 3:12

Alata'ala mpoka'ahi'-ta pai' napelihi-tamo jadi' bagia-na to moroli'. Toe pai' kana mometulungi-ta pai' lompe' nono-ta hadua bo hadua, pakadingki' nono-ta, paka'olu kehi-ta, pai' mosabara hi doo.

1 Tesalonika 3:10

Hinamengi hina'eo-kai merapi' hi Alata'ala hante nono mpu'u bona nabea ohea-kai mpencuai'-koi, bona kipohonoi' to kura' hi pepangala'-ni.

2 Tesalonika 1:6

Alata'ala mpobabehi to monoa': napehawai mpai' kehi-ra to mpobalinai'-koi,

1 Timotius 5:5

Ane tobine to balu mpu'u, batua-na uma hema to mpewili'-i, ncarumaka Alata'ala-i-wadi, hina'eo hinamengi mosampaya-i mekakae hi Alata'ala.

2 Timotius 1:3

Lomo'-na, aku' mpo'uli' tarima kasi hi Alata'ala to kupue' hante karoli' nono-ku, hewa pepue'-ra ntu'a-ku owi. Mpo'uli' tarima kasi oa'-a hi Alata'ala sabana iko Timotius, pai' uma-a putu mpokiwoi-ko hi rala posampaya-ku, lompe' hi eo-na lompe' hi bengi-na.

2 Timotius 2:10

Toe pai' ku'agi-mi mpengkatarii hawe'ea toi-e. Nau'-a rabalinai', kupalele oa' Lolita Alata'ala, bona tauna to napelihi-mi mpo'epe pai' mpopangala', duu'-na mporata-ra kalompea' pai' katuwua' to ncola duu' kahae–hae-na ngkai posidaia'-ra hante Kristus Yesus.

Titus 1:1

Sura toi ngkai aku' Paulus, batua Alata'ala pai' suro Yesus Kristus. Na'ongko'-a jadi' suro-na, pai' nahubui-a mporohoi pepangala' tauna to napelihi-ramo Alata'ala. Nahubui wo'o-a mpotudui'-ra tudui' to makono. Ane tatuku' tudui' to makono toe, mengkoru-ta hi Alata'ala,

1 Petrus 1:1

Sura toi ngkai aku', Petrus, suro Yesus Kristus, kupakatu tilou hi koi' ompi'–ompi' to napelihi-mokoi Alata'ala, pai' to pahawu'–hawu' hi propinsi Pontus, Galatia, Kapadokia, Asia pai' Bitinia, pai' to mesowo' hi olo' tauna to uma mpo'incai Alata'ala.

Pangila 18:20

Goe'-mokoi ihi' suruga, mpokagoe' kamokero-na! Goe'-mokoi topetuku' Alata'ala, suro–suro-na pai' nabi-na! Apa' Alata'ala mpohuku' to Babel, mpehawa-kokoi kehi-ra to dada'a hi koi'.

Pangila 6:10

Rapesukui me'au, ra'uli': ”O Pue' to mokuasa, Pue' to moroli' pai' makono! Hangkuja-pi kahae-na pai' lako' nuhuku' tauna to dada'a to mo'oha' hi dunia'? Kiperapi' nupehawai kehi-ra to mpopatehi-kai.”

Pangila 7:15

Toe pai' mokore-ramo hi nyanyoa Pohuraa Alata'ala, mpopue'-i butu eo-na pai' butu bengi-na hi rala Tomi Pepuea'. Pai' Alata'ala to mohura hi Pohuraa-na toe mpodoo-ra pai' mpokamoui-ra.