Lukas 18:23 - Buku Tomoroli' Pojanci to Bo'u

²³ Kana'epe-na lolita tohe'e, peda'-mi nono-na, apa' mo'ua' lia-i.

Lukas 18:23 Iomraidhean Croise

Matius 19:22

Mpo'epe toe we'i, kapeda'-nami nono-na pai'-i malai-mi, apa' wori' rewa-na.

Markus 10:22

Kana'epe-na lolita-na Yesus tohe'e, peda'-mi nono-na. Kamalai-nami ngkai ree hante susa' nono-na, apa' wori' rewa-na.

Lukas 12:15

Oti toe na'uli'-raka tauna to wori': ”Mo'inga'–inga'-koi pai' pelompehi, bona neo'-koi mpokahina ba apa–apa rewa dunia'. Apa' nau' wori' rewa-ta, uma ngkai rewa toe pai' lompe' tuwu'-ta.”

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Lukas 18:24

Nahilo-mi Yesus kapeda' nono-na. Toe pai' na'uli': ”Mokoro rahi tauna to wori' rewa-ra mengkoru hi Alata'ala bona Hi'a jadi' Magau'-ra.

Lukas 19:8

Bula-na Pue' Yesus hi tomi Zakheus, mokore-imi Zakheus mpo'uli'-ki: ”Pue', bagi ntongo' ngkai rewa-ku kuwai'-raka tokabu, pai' hema–hema to kubagiu, kupoponculi' opo' ngkani ngkai to kubagiu-raka.”

Lukas 21:34

”Mo'inga'–inga'-koi, neo'-koi sese' ntora mosusa' pai' nginu palangu–langu, ba ntora mpenonoi katuwu'-ni hi dunia', alaa-na lempe' moto-koi hi eo karata-ku. Apa' rata ncorobaa-a mpai'.

Lukas 8:14

”Hawua' to monawu' hi laintongo' rui mpobatuai tauna to mpo'epe Lolita Alata'ala, aga ntora mpenonoi katuwu'-ra hi rala dunia', doko' mo'ua' pai' doko' mporata kagoea'. Hawe'ea toe mposesei'-ra, alaa-na uma-ra kaliliu mpotuku' Lolita Alata'ala, pai' uma ria kalaua-na hi katuwu'-ra.

Efesus 5:5

Apa' bona ni'inca: hema–hema to mobualo' ba to mpobabehi gau' to babo' ntani'-na ba to mpokahina anu doo, uma ria bagia-ra hi rala Kamagaua' Kristus pai' Alata'ala. Tauna to mogau' hewa toe, ma'ala-mi ta'uli' mepue'-ra hi napa to rapokahina toe.

Filipi 3:8

Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus,

Kolose 3:5

Jadi', apa' mate-tamo hangkaa–ngkania hante Kristus-e, kana tabahaka-mi kehi-ta to mosidai' hante tuwu'-ta to ri'ulu. Neo' mobualo', neo' mogau' sala' ba mpobabehi gau'–gau' to uma tumotoa ntani'-na. Neo' mpokahina to dada'a, neo' mpokahina anu doo. Apa' tauna to mogau' hewa toe, ma'ala ta'uli' mepue'-ra hi napa to rapokahina toe.

1 Yohanes 2:15

Neo'-ta mpoka'ahi' dunia' toi, pai' ba napa–napa ihi'-na. Hema to mpoka'ahi' dunia' toi, uma-ra mpoka'ahi' Alata'ala to Tuama.