Lukas 18:16 - Buku Tomoroli' Pojanci to Bo'u

¹⁶ Aga Yesus mpokio' ana' toera pai' na'uli' mpo'uli'-raka ana'guru-na: ”Pelele' moto-ra ana' tetura tumai hi Aku', neo'-ra nitagi. Apa' tauna to hewa toe-ramo to jadi' ntodea-na Alata'ala hi rala Kamagaua'-na.

Lukas 18:16 Iomraidhean Croise

Matius 19:14

Yesus mpo'uli'-raka ana'guru-na: ”Pelele' moto-ra ana' tetura tumai hi Aku', neo'-ra nitagi. Apa' tauna to hewa toe-ramo to jadi' ntodea-na Alata'ala hi rala Kamagaua'-na.”

Lukas 18:15

Hangkani, ria tauna to mpokeni ana'lei-ra hi Yesus bona najama pai' nagane'-ra. Mpohilo toe we'i, moroe-ramo ana'guru-na, mpokaroe-ra to mpokeni ana'-ra toe.

Lukas 18:17

Mpu'u ku'uli'-kokoi: Ane uma-koi mengkoru hi Alata'ala hewa ana', uma-koi mpai' jadi' ntodea-na hi rala Kamagaua'-na.”

Suro 2:39

Apa' Alata'ala mojanci kanawai'-nata Inoha' Tomoroli', pai' hi muli–muli-ta, duu' rata hi tauna to molaa. Pojanci Alata'ala toe, bate bagia hawe'ea tauna to nakio' Pue'-ta Pue' Ala jadi' topetuku'-na.”

1 Korintus 14:20

Ompi'–ompi'! Neo'-pi mopekiri oa' hewa ana' to kedi', kana monoto nono-ni hewa tauna to kama-mi. Aga hewa ana' to kedi' ko'ia mpo'incai mpobabehi gau' to dada'a, wae wo'o kusarumaka neo'-koi mpobabehi gau' to dada'a.

1 Korintus 7:14

Apa' tomane to uma mepangala' tetui, tetonu hi Pue'-imi sabana tobine-na. Pai' tobine to uma mepangala' tetonu hi Pue' wo'o-imi-hawo sabana tomane-na to mepangala'. Ane ke uma hewa toe, tantu ana'-ni hibalia ana'-ra to uma mpo'incai Pue'. Tapi' toe-e, ana'-ni bate tetonu hi Pue'-ramo sabana pepangala' totu'a-ra to hadua.

1 Petrus 2:2

Hewa ana'lei to lako' putu to mpokahina ue tii', koi' wo'o kana mpokahina pongkoni' kao'-ni, tetu-mi Lolita Pue'. Bona ngkai Lolita Pue' toe kamoroo–rohoa pai' kamonoo–notoa katuwua' kao'-ni.