Lukas 18:14 - Buku Tomoroli' Pojanci to Bo'u

¹⁴ Ngkai ree, napohudui Yesus lolita-na, na'uli': ”Mpu'u ku'uli'-kokoi: kanculii'-ra hi tomi, topesingara' paja' toe-imi to jadi' monoa' hi poncilo-na Alata'ala, bela to Parisi toei. Apa' hawe'ea to mpomolangko nono-ra, Pue' Ala mpodingkihi-ra. Pai' hawe'ea to mpakadingki' nono-ra, Pue' Ala mpomolangko-ra.”

Lukas 18:14 Iomraidhean Croise

Lukas 14:11

Hawe'ea to mpomolangko nono-ra, Pue' Ala mpodingkihi-ra, pai' hawe'ea to mpakadingki' nono-ra, Pue' Ala mpomolangko-ra.”

Lukas 16:15

Yesus mpo'uli'-raka: ”Koi' tetu-mi mpemanoa' po'ingku-ni hi poncilo manusia'. Aga Alata'ala mpo'inca ihi' nono-ni. Apa' napa to rabila' manusia', napokahuku' Alata'ala.

Yakobus 4:10

Kana tapakadingki' nono-ta hi nyanyoa Pue', napomolangko moto-ta mpai'.

Matius 23:12

Tauna to mpakalangko nono-ra, Pue' Ala bate mpodingkihi-ra, pai' tauna to mpakadingki' nono-ra, Pue' Ala mpomolangko-ra.

Yakobus 4:6

Aga petulungia to nawai'-taka Pue' ngkai kabula rala-na meliu-hana kamoroho-na ngkai hawe'ea hina nono-ta. Toe pai' ria te'uki' hi rala Buku Tomoroli': ”Alata'ala mpo'ewa tauna to molangko nono-ra. Tapi' tauna to dingki' nono-ra, natulungi-ra ngkai kabula rala-na.”

Lukas 1:52

Magau'–magau' napohu ngkai pangka'-ra. Tauna to dingki' tuwu'-ra napomolangko.

Matius 5:3

”Marasi' tauna to mpo'inca kampe'ahii' tuwu'-ra hi poncilo Alata'ala, apa' hira' toe-mi mpai' to jadi' ntodea Alata'ala, pai' Alata'ala jadi' Magau'-ra.

Galatia 2:16

Aga nau' wae, ki'inca kabela-na kehi-kai to lompe' pai'-kai jadi' monoa' hi poncilo Alata'ala. Nau' kituku' lia hawe'ea parenta hi rala Atura Musa, bela tetu to mpomonoa'-kai hi poncilo Alata'ala. Ohea bona jadi' monoa' hi poncilo Alata'ala-le, muntu' mepangala' hi Kristus Yesus-wadi. Toe pai' mepangala'-makai hi Kristus Yesus bona jadi' monoa'-kai hi poncilo-na Alata'ala sabana pepangala'-kai hi Kristus. Uma-pi kisarumaka petuku'-kai hi Atura Musa, apa' uma ria haduaa tauna to jadi' monoa' hi poncilo Alata'ala ngkai kampotuku'-ra parenta to hi rala Atura Musa.

Roma 4:5

Tapi' posidaia'-ta hante Alata'ala uma hewa tetu. Apa' uma-hawo ngkai po'ingku-ta pai' alaa-na natarima-ta Alata'ala. Ane mepangala'-ta hi Alata'ala, nau' masala'-ta, na'uli' kamonoa'-ta hi poncilo-na ngkai pepangala'-ta hi Hi'a.

Roma 3:20

Uma ria haduaa to monoa' hi poncilo Alata'ala ngkai kampotuku'-ra Atura Pue'. Apa' ngkai Atura Pue' toe-di, ta'inca lau-mi kamojeko'-ta.

Lukas 10:29

Aga guru agama toei uma dota radagi, mpoperaha-i kamonoa' po'ingku-na. Toe pai' na'uli': ”Hiaa' hema doo-ku to kana kupoka'ahi'-e?”

Roma 8:33

Hema to daho' mpakilu-ta, to mpolia' napelihi-mi Alata'ala! Apa' Alata'ala moto-mi mpo'uli' uma-pi ria sala'-ta.

Roma 5:1

Jadi', apa' lawi' monoa'-tamo hi poncilo Alata'ala ngkai pepangala'-tae, lompe'-mi posidai'-ta hante Alata'ala sabana Pue'-ta Yesus Kristus.