Lukas 18:12 - Buku Tomoroli' Pojanci to Bo'u

¹² Aku', mopuasa'-a rongkani rala-na hamingku. Pai' hampobagiahampulu' ngkai hawe'ea pomporataa-ku kuwai'-koko Pue'.’

Lukas 18:12 Iomraidhean Croise

Matius 5:20

Jadi', ku'uli'-kokoi: ane uma-koi jadi' monoa' hi poncilo Alata'ala, bate uma-koi jadi' ntodea-na hi rala Kamagaua'-na. Pai' kamonoa'-ni tetu kana meliu ngkai kamonoa'-ra guru agama pai' to Parisi.

Matius 6:1

”Pelompehi-e', neo'-ta mpobabehi ada agama hi mata ntodea bona rahilo doo-wadi. Ane hewa toe gau'-ta, uma-ta mpai' nagane' Alata'ala, Tuama-ta to hi rala suruga.

Matius 6:16

”Ane mopuasa', neo' mengkamonto' hewa tauna to lompe' hi mali-na-wadi. Ane mopuasa'-ra, mengkamonto'-ra pai' tungkai' uma-ra monoku ba mokarabii, bona rahilo doo kamopuasa'-ra. Kiwoi-e': apa' mpolia' rarata-mi-rana pe'une' doo, uma-rapa mpai' mporata napa–napa ngkai Alata'ala.

Matius 6:5

”Ane mosampaya, neo'-ta hewa tauna to lompe' hi mali-na-wadi. Konoa-ra, mosampaya ngkokore hi rala tomi posampayaa ba hi porompengaa ohea bona rahilo doo. Jadi', apa' mpolia' rarata-mi-rana pe'une' doo, mpu'u ku'uli'-kokoi: uma-rapa mpai' mporata napa–napa ngkai Alata'ala.

Matius 9:14

Ngkai ree, rata-ra ba hangkuja dua topetuku' Yohanes Topeniu' hi Yesus. Mepekune'-ra, ra'uli': ”Napa pai' topetuku'-nu, uma-ra mopuasa'-e? Hiaa' ane kai'-kaina hante to Parisi, biasa mopuasa'-ka-kaina ntuku' ada-kai.”

Lukas 11:42

”Silaka-koi to Parisi! Ntahawe' hinu'a to kedi' hewa tarangkada' pai' kula' pai' hinu'a ntani'-na nipopepue' hampobagiahampulu' hi Alata'ala. Hiaa' parenta to bohe, hewa po'ingku to monoa' hi doo-ni pai' ahi' hi Pue' Ala, uma nisaile'. Kakoo–kono-na, ke parenta to bohe toe-hanale to kana nituku'-e, pai' neo' wo'o nilipo' mpotuku' parenta to kedi'.

Lukas 17:10

Wae wo'o koi'. Ane oti-mi nituku' hawe'ea to napahawa'-kokoi Alata'ala, uli'-mi-hana: ’Kai'-kaiwo-le, batua biasa-wadi-ka-kaiwo. To kibabehi-le, muntu' to rapahawa'-kakai.’ ”

Roma 3:27

Jadi', uma-pi ria ohea-ta mpomolangko nono-ta. Apa' Alata'ala uma mpotarima-ta ngkai po'ingku-ta to lompe'. Natarima-tale, ngkai pepangala'-ta hi Pue' Yesus.

1 Korintus 1:29

Jadi', toe pai' uma ria huraa manusia' mpomolangko nono-ra. Uma ria haduaa to ma'ala mpo'uli': ”Ngkai kapantea-ku pai'-a napelihi Alata'ala.”

Efesus 2:9

bela ngkai po'ingku-ta. Toe pai' uma ria haduaa to ma'ala mpo'uli': ”Ngkai kalompe' po'ingku-kule pai'-a nahore Alata'ala ngkai huku' jeko'-kue.”

1 Timotius 4:8

Apa' ane tarohoi wotoloka'-ta, hangkedi'-wadi kalaua-na. Tapi' ane tarohoi nono-ta mengkoru hi Alata'ala, wori' kalaua-na, apa' pengkoru-ta hi Alata'ala toe mpokeni rasi' hi katuwu'-ta tempo toi, pai' hi katuwu'-ta hi eo mpeno-na wo'o.