Lukas 18:11 - Buku Tomoroli' Pojanci to Bo'u

¹¹ To Parisi toei mokore pai' mosampaya hi rala nono-na, na'uli': ’Oo Alata'ala, mpo'uli'-a tarima kasi, apa' uma-a hewa tau ntani'-na–toperampaki, to bengku' nono-ra, topobualo', ba hewa topesingara' paja' toei mai.

Lukas 18:11 Iomraidhean Croise

Matius 5:20

Jadi', ku'uli'-kokoi: ane uma-koi jadi' monoa' hi poncilo Alata'ala, bate uma-koi jadi' ntodea-na hi rala Kamagaua'-na. Pai' kamonoa'-ni tetu kana meliu ngkai kamonoa'-ra guru agama pai' to Parisi.

Matius 6:5

”Ane mosampaya, neo'-ta hewa tauna to lompe' hi mali-na-wadi. Konoa-ra, mosampaya ngkokore hi rala tomi posampayaa ba hi porompengaa ohea bona rahilo doo. Jadi', apa' mpolia' rarata-mi-rana pe'une' doo, mpu'u ku'uli'-kokoi: uma-rapa mpai' mporata napa–napa ngkai Alata'ala.

Markus 11:25

”Pai' ane mosampaya-koi, ane ria to nipodaa'-ki doo-ni, ampungi-i ulu, bona Tuama-ni to hi suruga wo'o mpo'ampungi sala'-ni. [

Lukas 20:47

Mpobagiu-ra tobine tobalu pai' rahagoi tomi-ra. Pai'-ra mpowunii' kadada'a gau'-ra tohe'e hante mosampaya rapomoloe–loe. Huku'-ra motomo lia mpai'.”

Lukas 22:41

Oti toe, pai' hilou-i molaa hala' ngkai hira', pai'-i mowilingkudu mosampaya.

Galatia 3:10

Hi rala Buku Tomoroli' owi te'uki' hewa toi: ”Hema to uma tida mpotuku' butu nyala parenta to te'uki' hi rala Atura Musa, bate natotowi-ra Alata'ala.” Jadi', hema to doko' jadi' monoa' hi poncilo Alata'ala hi kampotuku'-ra Atura Musa, natotowi Alata'ala lau-ra mpai', apa' uma hema to mpokule' mpotuku' omea.

Filipi 3:6

Nto'u toe mantata' mpu'u petuku'-ku hi agama Yahudi, duu'-na ngasa'-a mposesa'-ra topetuku' Yesus. Kutuku' butu nyala parenta to hi rala Atura Musa, uma ria to kutiboki-na.

Pangila 3:17

Ni'uli'-koina mo'ua'-koi, hono' moto katuwua'-ni, uma-pi ria kakuraa'-ni. Ntaa' we'i, uma-di ni'incai kampe'ahii'-nie. Metunai lia-koi, kabu-koi, wero-koi, molawa-koi hi katuwu' kao'-ni.