Lukas 17:21 - Buku Tomoroli' Pojanci to Bo'u

²¹ Uma mpai' ria to mpo'uli': ’Hilo, ohe'i-mi Kamagaua'-na Alata'ala,’ ba ’Etu-mi mai Kamagaua' Alata'ala,’ apa' Alata'ala jadi' Magau' hi laintongo'-ni.”

Lukas 17:21 Iomraidhean Croise

Matius 12:28

Aku' mpopalai seta hante baraka' ngkai Inoha' Alata'ala. Jadi', ngkai toe monoa'-mi ni'inca karata-nami tempo-na Alata'ala jadi' Magau' hi laintongo'-ni.

Markus 13:21

”Nto'u toe mpai', ane ria to mpo'uli'-kokoi: ’Hilo, Magau' Topetolo' ohe'i-imi,’ ba ’Hilo, ohe'e-i mai Magau' Topetolo',’ neo' nipangalai'.

Lukas 17:23

Nto'u toe mpai', ria to mpo'uli'-kokoi: ’Magau' Topetolo' oe-imi ria!’ Ba ria to mpo'uli': ’Ohe'i-imi!’ Aga neo'-koi hilou mpotuku'-ra!

Lukas 21:8

Na'uli' Yesus: ”Pelompehi, neo'-koi ma'ala rabagiu. Apa' wori' mpai' tauna to mehupa' to mpo'uli' kahira'-na Magau' Topetolo'. Ria wo'o to mpo'uli' karata-na mpu'u Eo Kiama. Aga neo' nituku'-ra.

Yohanes 1:26

Na'uli' Yohanes: ”Aku'-le mponiu' tauna hante ue-wadi. Tapi' rata mpai' hadua tauna ngkabokoa' ngkai aku'. Ria moto-imile hi laintongo'-ni tempo toi-e, tapi' uma-i ni'incai. Bangku' jadi' pahawaa'-na mpobongka koloro sapatu'-na, uma-a-kuwo natao.”

Yohanes 18:36

Na'uli' Yesus: ”Kamagaua'-ku bela ngkai dunia' toi. Ane rapa'-na magau' hi dunia' toi mpu'u-a, tauna to mpotuku'-a bate me'ewa bona neo'-a rahoko' pai' rapewai' hi topoparenta to Yahudi. Tapi' Kamagaua'-ku bela ngkai dunia' toi.”

Roma 14:17

Apa' hi rala Kamagaua' Alata'ala, bela ada pongkoni' ba ponginu to jadi' poko-na. Poko-nale, nono to monoa', hintuwu' hante doo, pai' kagoea' nono to nawai'-taka Inoha' Tomoroli'.