Lukas 17:1 - Buku Tomoroli' Pojanci to Bo'u

¹ Yesus mpololitai ana'guru-na, na'uli': ”Bate ria to mpopanawu' tauna alaa-ra mojeko'. Aga silaka-ra tauna to mepanawu' toera!

Lukas 17:1 Iomraidhean Croise

Matius 16:23

Hampe'ili' Yesus mpo'uli'-ki Petrus: ”Palai-ko topesori! Doko' nulawa'-a, bona ngalai' neo'-a mpotuku' konoa Tuama-ku? Pekiri-nu tetu-le pekiri manusia', bela pekiri Alata'ala.”

Matius 18:7

Silaka tauna hi dunia' toi, apa' wori' to mpopanawu'-ra. Bate ria mpu'u-di to mepanawu'-e, aga silaka-ra tauna to mepanawu' toera.

Lukas 16:31

”Na'uli' Abraham: ’Ane lolita nabi Musa pai' nabi ntani'-na uma rapangalai', uma oa'-ra mpai' mepangala', nau' gati ria mpu'u tomate tuwu' nculii'.’ ”

Roma 14:13

Toe pai' ku'uli'-kokoi: neo'-ta momesaa–salai'. Agina-pi tapelompehi bona neo' ria po'ingku-ta to mposori ompi' hampepangalaa'-ta duu'-na mojeko'-i ba monawu'-i.

Roma 16:17

Ompi'–ompi'! Kupopo'ingai' mpu'u-koi, peloo–lompehi-koi hi tauna to mpobabehi pogaaa' pai' to doko' mpopanawu'-koi hante tudui'-ra to mosisala hante tudui' to ratudui'-mitaka. Laahi-ra tauna to hewa toe!

1 Korintus 10:32

Neo' mpobabehi napa–napa to mpopanawu' doo, ba to Yahudi-ra ba bela-ra to Yahudi ba hingka doo-ta to Kristen to napobagia Alata'ala.

1 Korintus 11:19

Lompe' lau-di ane ria posisalaa-nie, bona incana ba hema mpu'u-koi to moroho petuku'-ni hi Pue'.

1 Korintus 8:13

Toe pai' ku'uli'-kokoi: ane rapa'-na ngkai kehi-ku mpokoni' bau' ba napa–napa pai' alaa-na monawu' ompi'-ku, bate uma-apa ngkoni' bau' toe duu' kahae tuwu'-ku. Nee–neo' mpai' ngkai aku'-kuna pai' monawu' ompi'-ku toei.

1 Timotius 4:1

Inoha' Tomoroli' mpo'uli'-taka hante kalonto'–lonto'-na napa mpai' to jadi' hi eo–eo to tumai. Nto'u toe mpai', hantongo' tauna mengkala'ura ngkai pepangala'-ra hi tudui' to makono. Mengkoru lau-ra hi noto to mepohala'tara, pai'-ra mpotuku' tudui' to ngkai seta.

Pangila 2:14

Aga ria ba hangkuja nyala to kukehele-kokoi. Apa' ria-koi hantongo' to mpotuku' tudui' Bileam owi. Bileam toei mpotudui' Balak beiwa ohea mpopanawu' to Israel bona mojeko'-ra, nabawai-ra ngkoni' pongkoni' to rapopepue' hi pinotau, pai' nabawai-ra mogau' sala'.

Pangila 2:20

Aga ria oa' to kukehele-kokoi. Apa' tobine to rahanga' Isebel tetui, to mpo'uli' kahi'a-na hadua nabi, nipelele'-i-koina mpotudui' topetuku'-ku. Natudui'-ra mogau' sala' hante toronaa pai' tobine doo, pai' natudui'-ra ngkoni' pongkoni' to rapopepue' hi pinotau. Wori'-mi batua-ku nabagiu hante tudui'-na toe.