Lukas 16:7 - Buku Tomoroli' Pojanci to Bo'u

⁷ ”Oti toe, pai' na'uli'-ki karodua-na: ’Hiaa' iko, hangkuja-kowo inta-nu?’ ”Natompoi'-hawo: ’Hancobu karu' pae.’ ”Na'uli' topobago toei: ’Ohe'i sura inta-nu, uki'-mi walu atu karu'-wadi.’

Lukas 16:7 Iomraidhean Croise

Matius 18:28

”Palai-na batua toei, napohirua'-ki hadua hingka batua-na to mo'inta hi hi'a hi ncobu-na-wadi. Napentoe doo-na toei, nabaga' pai' na'uli'-ki: ’Bayari omea-mi inta-nu!’

Lukas 16:6

”Metompoi' tauna toei: ’Tolu ncobu lite lana.’ ”Na'uli' topobago toei: ’Oi sura popa'intaa-nu. Mohura-moko, uki' pesahui, hancobu lima atu lite-wadi!’

Lukas 16:8

”Kana'epe-na topo'ua' napa to nababehi topobago-na to bengku' gau'-na tetui, na'une' lau-imi, apa' pante-i-hana mpali' akala-na bona lompe' katuwu'-na. Apa' tauna to uma mpo'incai Pue' Ala, meliu kapante-ra mpo'urusi katuwu'-ra hante hingka doo-ra, ngkai kapante-ra tauna to hi rala kabajaa-na Pue' Ala mpo'urusi katuwu'-ra hi eo mpeno.

Lukas 20:12

Oti toe wo'o, nahubui tena batua katolu-na. Aga raserohi wo'o-i-wadi pai' rapetadi hi mali bonea.

Lukas 20:9

Oti toe, Yesus mpololitai ntodea, mpo'uli'-raka lolita rapa' tohe'i: ”Ria tau hadua mpohu'ai bonea-na hante anggur, oti toe napewai' bonea-na rapobago hi ba hangkuja dua tauna, pai' hilou-imi hi ngata to molaa, pai' mahae-i tida hi ria.