Lukas 16:3 - Buku Tomoroli' Pojanci to Bo'u

³ ”Mokanono-imi topobago toei, na'uli': ’Napa-le' to kubabehi-e? Naleso'-ama mpai' sepu'-ku ngkai bago-ku. Momangki uma kukulei'. Kakarapi'–rapi', me'ea'-a.’

Lukas 16:3 Iomraidhean Croise

Matius 20:8

”Limpa-mi eo, na'uli'-mi pue' bonea hi mantoro'-na: ’Kio'-ramo topobago toera ria, pai' wai'-ramo gaji'-ra. Wai' ulu gaji' hi tauna to lako' ntepu'u mobago jaa lima we'i. Oti toe, wai' gaji' hi tauna to ntepu'u mobago jaa tolu, duu' rata hi tauna to mobago ngkai mepuloa.’

Markus 10:46

Yesus pai' ana'guru-na rata hi ngata Yerikho. Nto'u-ra malai ngkai ngata, wori' tauna mpotuku'-ra. Hi wiwi' ohea mohura hadua tauna to wero kakarapi'–rapi'. Hanga'-na Bartimeus (batua-na: ana' Timeus).

Lukas 12:17

Na'uli'-mi hi rala nono-na: ’Napa-le' to kubabehi-e? Uma-pi liu poropo'-ku kupontimamahii wua' polia'-ku.

Lukas 16:2

Toe pai' topo'ua' toei mpokio' topobago-na, na'uli'-ki: ’Napa-di to ku'epe to rapakilu-koko toi-e? Wae lau, popehuwu-ka hawe'ea buku popa'intaa. Ngkai eo toe lau, uma-pi iko to ngkakamu ka'uaa'-ku!’

Lukas 16:20

Hi wobo'-na ratu'u hadua tauna to kabu, hanga'-na Lazarus. Woto-na hobo' paka' waka'.

Lukas 16:22

”Rala-na ha'eo, mate-imi tokabu toei, pai' mala'eka mpokeni-i hilou hi pohuraa to lompe' hi ncori Abraham. Topo'ua' toei, mate wo'o-imi-hawo, pai'-i ratana.

Lukas 16:4

Ngkai ree na'uli': ’Aa, ria akala-ku! Apa' neo' raleso'-ama ngkai bago-kue, agina mpali' ncala'-a bale-ku wori'–wori', bona hira' mpai' mpotarima-a hi tomi-ra.’

Lukas 18:4

”Lomo'–lomo'-na, topobotuhi toei uma dota mpotulungi-i. Aga ka'oo–omea-na na'uli' hi rala nono-na: ’Nau' uma-a mengkoru hi Alata'ala pai' uma wo'o-a mposaile' ba hema–hema,

Yohanes 9:8

Ngkai ree, tongki-na pai' tauna to biasa mpohilo-i kakarapi'–rapi', momepekune'-ramo ra'uli': ”Hema-idi toe-e mai? Ha bela hi'a-mi towero to biasa mohura kakarapi'–rapi'-e?”

Suro 3:2

Hi wobo' to rahanga' Wobo' Ncola, ria hadua tomane to pungku ngkai kaputu-na. Butu eo-na rakeni oa'-i-hawo hi wobo' toe bona ma'ala-i merapi'–rapi' hi tauna to hilou hi Tomi Alata'ala.

Suro 9:6

Wae-pi, memata-moko, mesua' hi rala ngata. Hi ria-damo mpai' ra'uli'-koko napa to kana nubabehi.”

2 Tesalonika 3:11

Pai'-kai mpo'uli' hewa toe-e, ta'uli'-mi-hawo, apa' ki'epe karia-ra hi retu to mengkalose. Sese'-ra mpogalo urusia doo-wadi, uma-ra mpobago lompe' bago-ra moto.