Lukas 16:25 - Buku Tomoroli' Pojanci to Bo'u

²⁵ ”Na'uli' Abraham: ’Kiwoi-dile ana': Bula-nu tuwu'-pidi hi rala dunia', iko mporata hawe'ea to lompe', hiaa' Lazarus-hana mporata-i paka' to dada'a. Tempo toi, tetanta'u-imi hi rehe'i, pai' iko-kowo, mporata pepa-moko.

Lukas 16:25 Iomraidhean Croise

Matius 27:63

ra'uli': ”Tua Gubernur, kikiwoi lolita topebagiu toei ngone lou, bula-na tuwu'-pidi na'uli': ’Kaliu-na tolu eo, tuwu' nculii'-a.’

Markus 9:45

Ane rapa'-na witi'-ta hamali mpakeni-ta mojeko', pua' lau-imi. Agina hamali-damo witi'-ta, asala mporata-ta katuwua' to lompe' dohe Alata'ala. Agina lau-pi toe, ngkai witia' ntimalia-ta, hiaa' ka'omea-na ratadi-ta hi rala naraka. [

Lukas 16:20

Hi wobo'-na ratu'u hadua tauna to kabu, hanga'-na Lazarus. Woto-na hobo' paka' waka'.

Lukas 16:23

Hi po'ohaa' tomate, ntora ntodohaka-i. Hampengoa'-na ngkai ree, nahilo-hawo molaa lia, oe-imi mai Abraham, hante Lazarus mohura hi ncori-na.

Lukas 16:26

Hiaa' etu, hi olo'-ta ria tumata to bohe lia. Tauna ngkai rehe'i uma bisa tilou hi retu, pai' tauna ngkai retu uma bisa tumai hi rehe'i.’

Lukas 6:24

”Aga silaka-koi topo'ua' tempo toi, apa' mpolia' nirata-mi-koina kagoea'-ni.

Yohanes 16:33

Hawe'ea toi ku'uli'-kokoi, bona mporata-koi kalompea' tuwu' ngkai posidaia'-ni hante Aku'. Bula-ni hi rala dunia' toi-pidi, bate rabalinai'-koi. Aga pakaroho nono-ni, apa' kudagi-mi dunia' toi.”

Suro 14:22

Hi butu ngata to rakahiloui toe, rarohoi nono-ra topetuku' Yesus, ra'uli'-raka: ”Neo' tabahakai mepangala' hi Pue' Yesus, apa' kita' to jadi' ntodea-na Alata'ala kana mporata kaparia ncala', aga hi eo mpeno mo'oha'-ta dohe-na hi rala Kamagaua'-na.”

Roma 8:7

Tauna to ntora mpotuku' kahinaa nono-ra to dada'a mpo'ewa Alata'ala. Uma-ra mengkoru hi hawa'-na, apa' gati uma rakulei' mengkoru hi hawa'-na.

Filipi 3:19

Tauna to hewa toe bate mporata silaka hi rala naraka. Konoa woto-ra moto, toe-mi to rapue'. Gau'-ra to me'eai', toe-mi to rapomobohe-ki nono-ra. Katuwu'-ra to hi dunia' toi, toe-wadi to rapoinono.

1 Tesalonika 3:3

Kipahawa'-i tilou toe, bona neo' mpai' ria haduaa to mokalingka pepangala'-ra sabana pebalinai' to mporumpa'-koi. Apa' ta'inca moto ompi', pebalinai' to mporumpa'-ta toe, gati patuju Alata'ala ami'-mi hi kita' to Kristen.

Ibrani 11:25

Apa' uma-i dota tuwu' goe' rala jeko' to hangkale'liu-wadi, na'agi-pi mporata kaparia hangkaa–ngkania hante ntodea Alata'ala.

1 Yohanes 2:15

Neo'-ta mpoka'ahi' dunia' toi, pai' ba napa–napa ihi'-na. Hema to mpoka'ahi' dunia' toi, uma-ra mpoka'ahi' Alata'ala to Tuama.

Pangila 7:14

Kutompoi'-i: ”Uma-kuwo ku'incai-ra. Uli'-kale.” Na'uli' mpu'u-ka: ”Hira' toe-le, tauna to oti-mi mpoliu Tempo Pebalinaia' to bohe lia. Ra'uja'-mi pohea-ra rapakabula hante raa' Ana' Bima.