Lukas 16:16 - Buku Tomoroli' Pojanci to Bo'u

¹⁶ ”Napa to te'uki' hi rala Atura Musa pai' sura nabi bate-na rapake'-pidi duu' rata hi tempo Yohanes Topeniu'. Ngkai tempo toe, rapalele-mi Kareba Lompe' to mpo'uli' Alata'ala jadi' Magau' hi dunia'. Pai' wori' tauna mpohuduwukui doko' jadi' ntodea-na hi rala Kamagaua'-na toe.

Lukas 16:16 Iomraidhean Croise

Matius 10:7

Uli'-raka hewa toi: ’Neo' rata-mi tempo-na Alata'ala jadi' Magau' hi dunia'.’

Matius 15:11

Pongkoni' to mesua' hi nganga-ta, bela-hawo toe to mpakada'a-ta hi poncilo Alata'ala. Lolita to mehupa' ngkai nganga-ta, toe-die to mpakada'a-ta hi poncilo Alata'ala-e.”

Matius 21:32

Apa' Yohanes Topeniu' mpotudui'-koi ohea to monoa', aga uma-koi dota mpopangala'-i. Hiaa' topesingara' paja' pai' tobine to uma tumotoa gau'-ra, rapangala'-i-rana. Pai' nau' nihilo-mi toe, uma oa' nibalii' gau'-ni pai' uma oa' nipangala'-i.”

Matius 3:2

na'uli'-raka: ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Matius 4:17

Ntepu'u ngkai ree, Yesus mpoparata Lolita Pue', na'uli': ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Matius 4:23

Yesus modao' hobo' hi tana' Galilea pai'-i metudui' hi rala tomi posampayaa. Mpoparata-i Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Yesus mpaka'uri' wo'o hawe'ea tauna to peda' pai' to keru.

Markus 1:14

Ko'ia mahae ngkai ree, Yohanes Topeniu' rahoko' pai'-i ratarungku'. Nto'u toe, hilou-imi Yesus hi tana' Galilea, pai'-i mpopalele Kareba Lompe' to ngkai Alata'ala,

Markus 1:45

Ntaa' we'i, kahilou-na tauna toei, ntora nalolita lau-mi hiapa–apa kanapaka'uri'-na Yesus. Alaa-na, Yesus uma-ipi bisa mesua' hi rala ngata apa' wori' rahi tauna mpotipuhi-i. Mo'oha' hi mali ngata-i-damo hi kawaoa'-na. Aga nau' wae, uma oa' ria kaputua-na tauna tumai ngkai wori' ngata doko' mpohirua'-ki.

Lukas 10:11

’Nau' awu ngata-ni to mentaka' hi palanta' witi'-kai, kitonta bona nihilo. Aga kiwoi-koie': neo' rata-mi tempo-na Alata'ala jadi' Magau'!’ ”

Lukas 10:9

Paka'uri' topeda' to hi rala ngata, pai' uli'-raka pue' ngata: ’Rata-mi tempo-na, Alata'ala jadi' Magau' hi laintongo'-ni.’

Lukas 16:29

”Na'uli' Abraham: ’Ria-miraka sura to na'uki' Musa pai' nabi–nabi ntani'-na. Mpotuku' napa to te'uki' hi rala sura toe-ra-damo-rawo.’

Lukas 16:31

”Na'uli' Abraham: ’Ane lolita nabi Musa pai' nabi ntani'-na uma rapangalai', uma oa'-ra mpai' mepangala', nau' gati ria mpu'u tomate tuwu' nculii'.’ ”

Lukas 9:2

Napahawa'-ra hilou mpaka'uri' topeda' pai' mpopalele kareba-na: ”Neo' rata-mi tempo-na Alata'ala jadi' Magau' hi dunia'.”

Yohanes 1:45

Ngkai ree, hilou wo'o-imi-hawo Filipus mpohirua'-ki doo-na to rahanga' Natanael, na'uli'-ki: ”Kirua'-imi-kaina Magau' Topetolo'-e, hewa to te'uki' hi rala Buku Atura Musa pai' sura nabi owi! Hanga'-na Yesus ngkai Nazaret, ana'-na Yusuf.”

Yohanes 11:48

Ane tapelele' oa'-i, hawe'ea tauna mpai' mepangala' hi Hi'a omea-ramo. Ka'omea-na mpai', tantara to Roma tumai mpogero ngata-ta hante Tomi Alata'ala.”

Yohanes 12:19

Momepololitai-ramo to Parisi, ra'uli': ”Madagi-tamo toi-e! Hilo-dile, hawe'ea tauna hi dunia' mpotuku'-i.”

Yohanes 5:4

Apa' pontu-na ria mala'eka Pue' mana'u tumai hi wuhu' toe mpojago ue-na. Pai' hema to ri'ulu mehompo hi rala wuhu' nto'u ue-na mojago, mo'uri'-i ngkai haki' to natodohaka.]

Suro 3:18

Aga nau' wae, ngkai napa to nibabehi tetu, madupa'-mi napa to na'uli' Alata'ala owi hante wiwi hawe'ea nabi, to mpo'uli': Magau' Topetolo' kana mporata kaparia.