Lukas 16:15 - Buku Tomoroli' Pojanci to Bo'u

¹⁵ Yesus mpo'uli'-raka: ”Koi' tetu-mi mpemanoa' po'ingku-ni hi poncilo manusia'. Aga Alata'ala mpo'inca ihi' nono-ni. Apa' napa to rabila' manusia', napokahuku' Alata'ala.

Lukas 16:15 Iomraidhean Croise

Matius 23:5

”Wori' moto-hawo po'ingku-ra to lompe', aga patuju-ra mpobabehi po'ingku toe, bona rahilo doo-wadi. Mpopake'-ra tali posampaya to mopepa'–pepa', pai' rapokaloe wua' baju-ra, bona petuku'-ra hi Atura Musa ma'ala rahilo doo.

Matius 6:16

”Ane mopuasa', neo' mengkamonto' hewa tauna to lompe' hi mali-na-wadi. Ane mopuasa'-ra, mengkamonto'-ra pai' tungkai' uma-ra monoku ba mokarabii, bona rahilo doo kamopuasa'-ra. Kiwoi-e': apa' mpolia' rarata-mi-rana pe'une' doo, uma-rapa mpai' mporata napa–napa ngkai Alata'ala.

Matius 6:2

Jadi', ane mewai'-ta doi hi tauna to kabu, neo'-hawo ntora ra'uli' hilau, hewa kabiasaa-ra tauna to lompe' hi mali-na-wadi. Hira' toe mpopehilo kalompe' nono-ra hi rala tomi posampayaa ba hi karajaa bona ra'une' doo. Mpu'u ku'uli'-kokoi: uma mpai' ria napa–napa to rarata ngkai Alata'ala, apa' mpolia' rarata-mi-rana pe'une' doo.

Matius 6:5

”Ane mosampaya, neo'-ta hewa tauna to lompe' hi mali-na-wadi. Konoa-ra, mosampaya ngkokore hi rala tomi posampayaa ba hi porompengaa ohea bona rahilo doo. Jadi', apa' mpolia' rarata-mi-rana pe'une' doo, mpu'u ku'uli'-kokoi: uma-rapa mpai' mporata napa–napa ngkai Alata'ala.

Lukas 10:29

Aga guru agama toei uma dota radagi, mpoperaha-i kamonoa' po'ingku-na. Toe pai' na'uli': ”Hiaa' hema doo-ku to kana kupoka'ahi'-e?”

Lukas 11:39

Toe pai' Pue' Yesus mpo'uli'-ki: ”Koi' to Parisi-le hewa tauna to mpobohoi' sangkiri' pai' piri hi mali-na-wadi, hiaa' hi rala-na babo' moto. Ada agama to kahiloa hi mali-na nituku' lia, hiaa' hi rala nono-ni, dada'a-koi pai' mpokahina anu doo-koi.

Lukas 18:11

To Parisi toei mokore pai' mosampaya hi rala nono-na, na'uli': ’Oo Alata'ala, mpo'uli'-a tarima kasi, apa' uma-a hewa tau ntani'-na–toperampaki, to bengku' nono-ra, topobualo', ba hewa topesingara' paja' toei mai.

Lukas 18:14

Ngkai ree, napohudui Yesus lolita-na, na'uli': ”Mpu'u ku'uli'-kokoi: kanculii'-ra hi tomi, topesingara' paja' toe-imi to jadi' monoa' hi poncilo-na Alata'ala, bela to Parisi toei. Apa' hawe'ea to mpomolangko nono-ra, Pue' Ala mpodingkihi-ra. Pai' hawe'ea to mpakadingki' nono-ra, Pue' Ala mpomolangko-ra.”

Lukas 18:21

Na'uli' tau toei: ”Hawe'ea parenta tetu lau, kutuku' omea-mi ngkai kakedia'-ku.”

Lukas 18:9

Oti toe, Yesus mpo'uli' hanyala-pi lolita rapa'. Lolita rapa' toi mpotoa' tauna to mpo'uli' hira'-wadi to monoa', pai'-ra mporuge' doo.

Lukas 20:20

Jadi' rapali' loga to lompe'. Mpopahawa'-ra tauna hilou mpolelemata-i. Tauna toera, ntani' hewa tauna to monoa' nono-ra, tapi' patuju-ra mpo'opa kasala' lolita-na, bona rapakilu-i hi gubernur.

Lukas 20:47

Mpobagiu-ra tobine tobalu pai' rahagoi tomi-ra. Pai'-ra mpowunii' kadada'a gau'-ra tohe'e hante mosampaya rapomoloe–loe. Huku'-ra motomo lia mpai'.”

Yohanes 2:25

Uma mingki' kahadua-na to mpo'uli'-ki kabeiwa-na manusia', apa' na'inca ami' napa to hi rala nono manusia'.

Yohanes 21:17

Ngkai ree, Yesus mpekune'-i katolu ngkani-na: ”Simon, ana' Yohanes, ha nupoka'ahi' mpu'u-a?” Peda'-mi nono-na Petrus, apa' Yesus mpekune'-i tolu ngkani ba napoka'ahi' mpu'u-i. Jadi', na'uli' Petrus: ”Pue', nu'inca hawe'ea-na. Nu'inca kakupoka'ahi'-nu.” Na'uli' Yesus: ”Ane wae, podoo bima-ku.

Suro 1:18

(Yudas toei mpo'oli tana' hante doi to narata ngkai gau'-na to dada'a. Hi tana' to na'oli tohe'e, mate monawu'-i, mobenta ta'i tina-na, alaa-na ihi' rala-na malali omea.

Suro 1:24

Oti toe, mosampaya-ramo, ra'uli': ”Pue', nu'inca omea nono tauna. Yudas, monawu'-imi-hana ngkai bago-na jadi' suro-nu, pai'-i rahuku' ntuku'-ki gau'-na. Toe pai' kiperapi' Pue', tudo'-kakai hema ngkai hira' to rodua tohe'ira to nupelihi-mi jadi' sampei-na.”

Suro 15:8

Pai' Alata'ala to mpotiroi nono manusia', mpotarima tauna to bela-ra to Yahudi toera. Ta'inca kanatarima-ra, apa' nawai'-ra Inoha' Tomoroli', hibalia hewa to nawai'-taka kita' toi-e.

Roma 3:20

Uma ria haduaa to monoa' hi poncilo Alata'ala ngkai kampotuku'-ra Atura Pue'. Apa' ngkai Atura Pue' toe-di, ta'inca lau-mi kamojeko'-ta.

Roma 8:27

Pai' Alata'ala to mpowile nono manusia', mpo'inca patuju-na Inoha' Tomoroli' toe: Inoha' Tomoroli' mosampaya ntuku' konoa Alata'ala, mpekakae-raka hawe'ea tauna to mepangala' hi Alata'ala.

1 Korintus 4:5

Toe-mi ompi', neo' mpotuntui' doo ba lompe' pobago-na ba uma. Popea karata-na nculii' Pue'. Hi'a moto mpai' to mpowongka hawe'ea to tewuni hi rala kabengia-na, Hi'a to mpopehuwu hawe'ea patuju to hi rala nono manusia'. Nto'u toe-damo mpai', butu dua tauna mporata pe'une' ngkai Alata'ala hewa to kasipato'-na.

1 Petrus 3:4

Poko kasuboa' mpu'u-le, mehupa' ngkai rala nono-ta, hewa rapa'-na tobine to monono pai' to mo'olu kehi-na. Toe-hana kasuboa' to uma ria kabalia'-na, pai' to masuli' lia oli-na hi poncilo Alata'ala.

1 Petrus 5:5

Wae wo'o koi' to mongura-pidi umuru-ni, mengkoru-koi hi totu'a. Hawe'ea-ni himpau mpakadingki' nono pai' mometulungi. Apa' ”Alata'ala mpo'ewa tauna to molangko nono-ra, aga tauna to dingki' nono-ra napoka'ahi'.”

Pangila 2:23

Ana'-na kupatehi. Ngkai ree mpai', monoto hi hawe'ea topetuku'-ku ka'Aku'-nami to mpowile pekiri manusia' pai' nono manusia'. Kuhiwili po'ingku butu dua-ni.