Lukas 16:11 - Buku Tomoroli' Pojanci to Bo'u

¹¹ Jadi', ane uma lompe' pompewili'-ta hi ka'uaa' dunia' tohe'i, hema to mposarumaka-ta hi poko ka'uaa' to hi suruga?

Lukas 16:11 Iomraidhean Croise

Matius 6:24

”Uma-hawo ria hadua tauna to mobago hi rodua tua. Apa' hadua mpai' nape'ahi', hadua napokahuku'. Hadua natuku'-ki hawa'-na, hadua nasapuaka. Wae wo'o kita', uma-ta bisa mpotuku' konoa Alata'ala, pai' hamali-ta ntora mporumpu rewa dunia'.

Lukas 12:33

Toe pai' ku'uli', pobalu'-mi rewa-ni, pai' oli-na wai'-raka tokabu. Babehi-mokoi karepe' to uma bisa moheu'. Batua-na, babehi kehi to lompe'. Apa' kehi to lompe' toe ma'ala rarapai'-ki rewa to nitimamahi hi suruga, to uma ria karontoa-na, apa' uma ria to mpanako pai' uma ria anutuwu' to mposerohi.

Lukas 16:12

Ane uma lompe' pompewili'-ta hi rewa to rasarumaka-taka hi dunia' toi, hema mpai' to mpowai'-ta rewa to jadi' anu-ta moto hi suruga?

Lukas 16:9

”Toe pai' ku'uli'-kokoi: Kana tapake' ka'uaa' hi dunia' tohe'i mpotulungi doo, bona ane uma-pi mpai' mokalaua ka'uaa' dunia' toi, ratarima lompe'-ta hi po'ohaa' to tida duu' kahae–hae-na.

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Efesus 3:8

Ngkai hawe'ea topepangala' hi Pue' Yesus, aku' toi-mi-kuna to meliu kakedi' tuwu'-ku. Aga nau' wae, aku' lau-di to napompowaii' rasi' toe, bona aku' to mpopalele Kareba Lompe' hi tauna to bela-ra to Yahudi, mpo'uli'-raka kabohe rasi' to tarata ngkai Kristus, to uma bisa rapetudu manusia'.

Yakobus 2:5

Ompi'-ku to kupe'ahi'! Pe'epei lompe'-dile: tauna to mpe'ahii' katuwu'-ra, nau' uma-ra mo'ua' hi dunia' toi, Alata'ala mpelihi-ra bona jadi' mo'ua' hi pepangala'-ra. Hira' toe-mi mpai' to mporata rasi' hi rala Kamagaua'-na, hewa to najanci-raka tauna to mpoka'ahi'-i.

Pangila 3:18

Toe pai' kuparesai'-koi tohe'i: oli-mi ngkai Aku' bulawa to rapomoroli' hi rala apu, bona mo'ua' mpu'u-koi. Oli wo'o ngkai Aku' pohea to bula bona heaa-koi pai' tewuni ka'eaa'-ni. Pai' ni'oli wo'o pokuli' nigelai'-ki mata-ni bona pehilo-koi.