Lukas 15:22 - Buku Tomoroli' Pojanci to Bo'u

²² ”Aga tuama-na mpokio' topobago-na, pai' na'uli'-raka: ’Pesahui, ala' pohea to lompe' lia, pai' heai-i. Uncoi' karawe-na hante hinci, pai' sapatui' wo'o-i.

Lukas 15:22 Iomraidhean Croise

Lukas 15:21

Na'uli'-mi to ana': ’Mama, masala'-ama hi Pue' Ala pai' hi Mama wo'o. Uma-apa natao nukio' ana'-nu…’

Lukas 15:23

Oti toe, hilou-koi mpohoko' ana' japi to morudu' pai' nisumale'. Ngkoni'-ta goe'–goe'!

Roma 13:14

Kana tatuku'-mi kehi Pue' Yesus Kristus, tapoluba' tapo'enu' tatatane eo–eo-na hi rala katuwu'-ta. Neo'-pi tatuku' kehi manusia' to doko' mpe'ohai kahinaa nono-ra to dada'a.

Roma 3:22

Alata'ala mpomonoa'-ta hi poncilo-na ane mepangala'-ta hi Yesus Kristus. Toe nababehi hi hawe'ea tauna to mepangala', uma napelence kato'apa-ra.

Roma 8:15

Ri'ulu, bula-ta tehoo'-pidi hi Atura Pue', me'eka'-ta mpoka'eka' pehuku'-na Alata'ala. Aga hewa toe lau, uma-tapa me'eka', apa' mporata-tamo Inoha' Tomoroli'. Apa' Inoha' Tomoroli' toei mpopajadi'-ta ana'–ana'-na Alata'ala. Pai' ngkai kuasa Inoha' Tomoroli' toei, kita' mpo'uli'-ki Alata'ala: ”O Mama! O Tuama-ku!”

Galatia 3:27

Apa' raniu' omea-mokoi jadi' topetuku' Kristus, pai' hi poncilo Alata'ala, hibalia hante Kristus-mokoi.

Efesus 6:15

Kana sadia-ta mpopalele Kareba Lompe' to mpopohintuwu' manusia' hante Alata'ala, taponcawa sapatu' to mpakaroho pokore-ta.

Pangila 19:8

Rawai'-i pohea to moluha', to bula ngea' pai' meringkila'.” (Batua-na pohea to rawai'-ki kamae'-na Ana' Bima toe, kamonoa' kehi-ra topetuku' Alata'ala.)

Pangila 2:17

”Hema to tilingaa, pe'epei mpu'u-e' napa to na'uli' Inoha' Tomoroli' hi topetuku'-ku hi butu ngata-na. ”Hema to medagi, kupiliu-ra ngkoni' manna to tewuni. Kuwai'-ra hameha' watu to bula. Hi watu toe te'uki' hanga' to bo'u, to uma ra'incai tau ntani'-na. To mpo'inca, muntu' tauna to mpotarima watu toe-wadi.”

Pangila 3:18

Toe pai' kuparesai'-koi tohe'i: oli-mi ngkai Aku' bulawa to rapomoroli' hi rala apu, bona mo'ua' mpu'u-koi. Oli wo'o ngkai Aku' pohea to bula bona heaa-koi pai' tewuni ka'eaa'-ni. Pai' ni'oli wo'o pokuli' nigelai'-ki mata-ni bona pehilo-koi.

Pangila 6:11

Butu dua-ra rawai' hantonga' baju to bula. Pai' Alata'ala mpo'uli'-raka: ”Rodo-mokoi ulu, apa' ria-pidi mpai' doo–doo hampobagoa-ni pai' ompi' hampepangalaa'-ni to rapatehi hewa koi'. Ane hono'-damo kawori'-ni to rapatehi, lako' kupehawai-di.”

Pangila 7:9

Oti toe, kuhilo tena manusia' uma mowo kawori'-ra, uma haduaa to mpakule' mpobila'-ra. Hira' toe ngkai humalili' dunia', ngkai butu negara, butu pomuli pai' butu nyala basa. Mokore-ra hi nyanyoa Pohuraa Magau' pai' hi nyanyoa Ana' Bima. Moheai-ra pohea to bula, pai'-ra mpokakamu palampa to ntora rawente' tanda pebila'-ra.