Lukas 14:15 - Buku Tomoroli' Pojanci to Bo'u

¹⁵ Bula-ra ngkoni' toe, hadua torata mpo'epe lolita-na Yesus, pai' na'uli'-ki: ”Marasi' tauna to mpokaralai posusa' hi rala Kamagaua'-na Alata'ala.”

Lukas 14:15 Iomraidhean Croise

Matius 25:10

Hilou-ramo-rawo toronaa to wojo toera mpo'oli lana. Lingku'-ra hilou, rata mpu'u-imi topemua'. Lima toronaa to monoto toera, apa' rodo ami'-mi-rana hulu'-ra, kaliliu mesua'-ramo dohe topemua' rala tomi posusaa', pai' wobo' ra'unca-mi.

Matius 8:11

Jadi', bona ni'inca: hi eo mpeno ane Alata'ala jadi' Magau', wori' tauna to bela-ra to Yahudi to jadi' ntodea-na. Tumai-ra ngkai tono' mata'eo pai' ngkai kasoloa, mohura goe'–goe'-ra hangkaa–ngkania hante Abraham, Ishak pai' Yakub, ntu'a to Yahudi owi.

Lukas 12:37

Morasi' batua to narata maradika-ra bula-ra mojaga pai' mpopea karata-na. Apa' maradika toei mpai' mpehoo' abe' hi hope'-na, napopohura-ra pai' natonui-ra.

Lukas 13:29

Wori' wo'o mpai' tauna to bela-ra to Yahudi to jadi' ntodea Alata'ala hi rala Kamagaua'-na. Tumai-ra ngkai tono' mata'eo pai' ngkai kasoloa pai' ngkai humalili' dunia', mohura goe'–goe' omea-ra mpai' mpokaralai posusaa' hi rala Kamagaua' Alata'ala.

Lukas 22:16

Apa' bona ni'inca: uma-apa ngkoni' pongkoni' Paskah to hewa toi, duu'-na madupa' mpu'u-mi batua-na posusa' toi nto'u Alata'ala jadi' Magau' hi dunia'.”

Lukas 22:30

Toe pai' goe' wo'o-ko-koiwo mpai' ngkoni' pai' nginu dohe-ku hi rala Kamagaua'-ku ane jadi' Magau'-apa mpai'. Pai' mohura moto-koi mpai' hi pohuraa to hampulu' romeha', mpoparentai to Israel to hampulu' rontina.”

Pangila 19:9

Ngkai ree, na'uli'-ka mala'eka toei: ”Uki'-mi tohe'i: Marasi' tauna to rakio' hilou hi posusaa' poncamokoa Ana' Bima toe.” Pai' natampai mpo'uli': ”Lolita toi ngkai Alata'ala, bate makono omea.”