Lukas 13:34 - Buku Tomoroli' Pojanci to Bo'u

³⁴ ”Ee to Yerusalem! to Yerusalem! Nipatehi-ra-koina nabi–nabi, pai' nipana' watu-ra-koina tauna to nasuro-kokoi Alata'ala. Wori' ngkani-mi kupehuka' ngkupui-koi, hewa hama'a manu' tina mpo'urui ana'-na hi une' pani'-na, aga uma-koi dota.

Lukas 13:34 Iomraidhean Croise

Matius 22:3

Mohawa'-i hi pahawaa'-na hilou mpokio' tauna to rahinta' hewa toi: ’Hilou-tamo ngkoni' hi posusaa' poncamokoa!’ Aga hawe'ea to rakio' toera, uma-ra dota hilou.

Matius 22:6

To ntani'-na wo'o-ra mpohoko' pahawaa' magau' toe, rapao' pai' rapatehi.

Lukas 15:28

”Kamoroe-nami ana' to ulumua' toei, oja'-i mesua' hi rala tomi. Tuama-na hilou mpobawai-i mesua'.

Lukas 19:44

Raropuhi mpai' ngata-ni hante hawe'ea ihi'-na, duu'-na uma-pi ria watu to bate pomeduncu-na. Apa' uma-koina nisaile' karata-na Pue' Ala doko' mpotulungi-koi.”

Lukas 23:28

Yesus mpewili'-ra pai' na'uli'-raka: ”Ee tobine to Yerusalem, neo'-a nikageoi'. Agina woto-ni moto pai' ana'-ni nikageoi'.

Suro 7:52

Uma ria haduaa nabi to uma rabalinai' ntu'a-ni owi. Rapatehi-ra suro–suro Alata'ala owi to mpo'uli' karia-na mpai' Batua Alata'ala to monoa', Hi'a-mi Yesus. Hiaa' hewa toe lau, koi'-mi to mpobalu' Batua Alata'ala toei hi bali'-na. Koi' to mpopatehi-i!

Suro 7:59

Bula-na Stefanus rapana', mekakae-imi, na'uli': ”Pue' Yesus, doa-mi kao'-ku!”

Suro 8:1

Saulus wo'o-hawo mpokagoe' karapatehi-na Stefanus toe. Hi eo toe, ntepu'u rabalinai' gaga-ramo topepangala' hi Pue' Yesus to hi Yerusalem, alaa-na pahawu'–hawu'-ramo hobo' tana' Yudea pai' Samaria. Muntu' suro Pue' Yesus-damo to uma metibo' ngkai Yerusalem.

Pangila 11:8

Ka'oti-ra sabi' to rodua toera rapatehi, kiu-ra rapelele' wae moto-mi mparangojo hi ohea ngata bohe. (Ngata to bohe toe, ngata karaparikaa' Pue'-ra. Ane mowalatu, ngata toe rarapai'-ki ngata Sodom pai' Mesir owi, apa' dada'a ihi' ngata toera.)