Lukas 13:32 - Buku Tomoroli' Pojanci to Bo'u

³² Na'uli' Yesus mpo'uli'-raka: ”Koi', uli'-ki tope'akalai tetui hewa tohe'i: Eo toe lau pai' mepulo, mobago-a-pidi, mpopalai seta pai' mpaka'uri' topeda'. Pai' hi eo katolu-na, kupohudu-mi pobago-ku.

Lukas 13:32 Iomraidhean Croise

Markus 6:14

Nto'u toe, Magau' Herodes Antipas mpo'epe kareba napa to nababehi Yesus, apa' hanga' Yesus rapotompo'wiwi hiapa–apa. Ria to mpo'uli': ”Yesus toei lou, Yohanes Topeniu'-ile tuwu' nculii'! Toe-hana pai' ria baraka'-na mpobabehi tanda mekoncehi toe-e.”

Yohanes 10:32

Na'uli' Yesus mpo'uli'-raka: ”Nihilo moto-a mpobabehi bago to lompe' ntuku' hawa' Tuama-ku. Ngkai bago-ku tohe'e, to'uma to masipato' nipatehi-ka?”

Yohanes 19:30

Kanapemita-na Yesus, na'uli': ”Hudu-mi!” Oti toe, ntungka'-imi, pai' modupe'-mi inoha'-na.

Ibrani 2:10

Alata'ala mpopajadi' butu nyala-na, pai' hawe'ea to ria mpotuku' kabotu'-na. Patuju-na, doko'-i mpo'ongko'-ra tauna napajadi' ana'-na pai' napomobohe-ra. Toe pai' nabotuhi bona Yesus kana mporata kaparia duu'-na mate. Masipato' lia kabotu'-na Alata'ala toe, apa' ngkai kaparia to narata Yesus toe, Yesus jadi' Topetolo' to uma ria kakuraa'-na, to mpotate ohea to tatara bona mporata kalompea'.

Ibrani 5:9

Pai' ngkai pengkoru-na toe, Yesus jadi' Topetolo' to uma ria kakuraa'-na, pai' pehupaa' katuwua' to lompe' duu' kahae–hae-na hi hawe'ea tauna to mengkoru hi Hi'a.

Ibrani 7:28

Tauna to jadi' Imam Bohe ntuku' Atura Musa, tauna to lente, apa' manusia' biasa-ra-rawo. Aga ngkabokoa' ngkai Atura Musa toe, Alata'ala mpohowa' lolita posumpa-na, pai' hante lolita posumpa-na toe, mpo'ongko' Ana'-na moto-imi jadi' Imam Bohe. Pai' Ana'-na toei jadi' Topetolo' to uma ria kakuraa'-na pai' to tida duu' kahae–hae-na.