Lukas 13:25 - Buku Tomoroli' Pojanci to Bo'u

²⁵ Apa' rata mpai' tempo-na, mokore-imi pue' tomi toe hilou mpo'unca wobo'. Ane rapa'-na mokore hi mali-na-pidi-koi nto'u toe, mpopebea wobo'-koi, ni'uli': ’Pue', bea-kaka-kaiwo!’ ”Natompoi'-koi mpai': ’Uma-koi ku'incai, ba to ngkaiapa-koi.’

Lukas 13:25 Iomraidhean Croise

Matius 25:41

”Oti toe mpai', ku'uli'-raka to hi mali ki'ii-ku: ’Malai-mokoi ngkai rei, koi' to natotowi Tuama-ku! Mesua'-mokoi hi rala apu to jela' ncuu, to raporodo ami'-miki Magau' Anudaa' pai' mala'eka to mpotuku'-i.

Lukas 13:27

”Na'uli'-kokoi mpai': ’Uma-koi ku'incai ba to ngkaiapa-koi. Palai-koi ngkai rei, koi' paka' to mo'ingku dada'a.’

Lukas 3:8

Ane bongko medea-mokoi ngkai jeko'-ni, babehi-mokoi gau' to lompe'. Pai' neo' nipoperaha kamuli-na Abraham-koi! Bona ni'inca: muli Abraham bisa napajadi' Alata'ala ngkai watu–watu toe lau.

Lukas 6:46

”Napa pai' nikio'-a ’Pue'! Pue'!’ bo uma-di nituku' hawa'-kue!

2 Korintus 6:2

Hi rala Buku Tomoroli' owi na'uli' Alata'ala hewa toi: ”Hi tempo to kupakatantu ku'epe pekakae-nu, Kutulungi-moko, kuhore-ko ngkai huku' jeko'-nu.” Ompi'–ompi', ku'uli'-kokoi, tempo toi-mile tempo to napakatantu Alata'ala-e. Ku'uli'-kokoi, hi eo toe-mi lau Alata'ala dota mpohore-koi ngkai huku' jeko'-ni.

Ibrani 12:17

Ni'inca moto tutura-na, ngkabokoa'-na mehina moto-i doko' mporata pegane' toe ngkai tuama-na, aga uma-pi rawai'-i. Apa' nau' geo'-imi mperapi', uma-pi ria ohea-na mpokolompehii kasalaa'-na.