Lukas 13:13 - Buku Tomoroli' Pojanci to Bo'u

¹³ Oti toe najama tobine toei, kaliliu mokore monoa'-imi, pai'-i mpo'une' Alata'ala.

Lukas 13:13 Iomraidhean Croise

Matius 9:8

Karahilo-na ntodea to jadi' toe, me'eka'-ramo, ra'uli': ”Uma mowo-e' baraka'-na Alata'ala! Nawai' mpu'u-tano kuasa to bohe hewa toe hi manusia'-e!”

Markus 16:18

Ria-ra to ngkamu ule, ba paia-na nginu rasu, aga uma moto-ra moapa. Mpojama-ra tauna to peda', bona mo'uri'-ra topeda'.”

Markus 5:23

mpopetulungi, na'uli': ”Neo' mate lia-imi dei'-ku hi tomi. Lou-ta hi tomi-ku, nujama-ka-kuwo bona mo'uri'-i, bona neo'-i-hawo mate.”

Markus 6:5

Jadi', Yesus mpokehele-ra apa' uma-ra mepangala'. Toe pai' uma-i bisa mpobabehi wori' anu mekoncehi hi ria. Sampale to nababehi, mpojama ba hangkuja dua topeda' bona mo'uri'-ra. Yesus modao' mpokinomo ngata–ngata pai' mpotudui' tauna.

Markus 8:25

Oti toe, naganga tena mata-na, pai' nahubui-i menaa. Mo'uri' mpu'u-miki mata-na. Hawe'ea to nahilo, monoto-mi.

Lukas 13:12

Kanahilo-na Yesus tobine toei, nakio'-i pai' na'uli'-ki: ”Ina', mo'uri'-moko, uma-pi ria haki' to mpohoo'-ko.”

Lukas 18:43

Ncaliu pehilo mpu'u-imi. Ngkai ree, ntora mpotuku' Yesus-imi, pai' mpo'uli' wori' tarima kasi hi Alata'ala. Hawe'ea tauna to mpohilo kajadia' toe, mpo'une' Alata'ala-ramo.

Lukas 4:40

Limpa-mi eo, wori' tauna tumai hi Yesus, mpokeni hawe'ea ompi'-ra to peda' hante wori' nyala haki'-ra. Naganga-ra butu dua-na pai' napaka'uri'-ra.

Suro 9:17

Jadi', hilou mpu'u-imi Ananias hi tomi to na'uli' Pue' we'i. Karata-na hi ria, najama-i Saulus, na'uli'-ki: ”Ompi'-ku Saulus! Pue' Yesus to nuhilo hi lengko ohea katumai-nu toi-e, Hi'a-mi to mpohubui-a tumai mpokinomo-ko. Nahubui-a tumai bona pehilo nculii'-moko, pai'-ko nakuasai Inoha' Tomoroli'.”