Lukas 13:12 - Buku Tomoroli' Pojanci to Bo'u

¹² Kanahilo-na Yesus tobine toei, nakio'-i pai' na'uli'-ki: ”Ina', mo'uri'-moko, uma-pi ria haki' to mpohoo'-ko.”

Lukas 13:12 Iomraidhean Croise

Matius 4:23

Yesus modao' hobo' hi tana' Galilea pai'-i metudui' hi rala tomi posampayaa. Mpoparata-i Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Yesus mpaka'uri' wo'o hawe'ea tauna to peda' pai' to keru.

Matius 8:16

Ncimonou' toe, wori' tauna tumai hi Yesus, mpokeni doo-ra ba ompi'-ra to mohaki' ba to nahawi' seta. Yesus mpopalai seta toera hante hamela lau-wadi lolita-na, pai' napaka'uri'-ra hawe'ea tauna to mohaki'.

Lukas 13:11

Hi ree, ria hadua tobine, hampulu' walu mpae-imi peda', apa' napesuai' seta-i. Tobine toei bungku', uma nakulei' mokore monoa'.

Lukas 13:13

Oti toe najama tobine toei, kaliliu mokore monoa'-imi, pai'-i mpo'une' Alata'ala.

Lukas 13:16

Hiaa' hi rehe'i, ria hadua tobine muli Abraham, hampulu' walu mpae-imi nahoo' Magau' Anudaa'. Ha uma-hana ma'ala tabahaka-i ngkai pohoo'-na hi Eo Sabat?”