Lukas 12:9 - Buku Tomoroli' Pojanci to Bo'u

⁹ Aga hema to mposapu-a hi doo, hi'a wo'o mpai' kusapu hi nyanyoa mala'eka Alata'ala, ku'uli': ’Bela-i topetuku'-ku.’

Lukas 12:9 Iomraidhean Croise

Matius 10:33

Aga hema to mpo'uli' hi doo kabela-nai topetuku'-ku, hi'a wo'o mpai' kusapu hi Tuama-ku to hi rala suruga, ku'uli': ’Tau toei, bela-i topetuku'-ku.’

Matius 25:12

”Na'uli' topemua': ’Uma-koi ku'incai.’ ”

Matius 25:31

”Aku' Ana' Manusia', ane rata nculii'-apa mpai', mehini mpu'u-mi baraka'-ku, pai' radohei-a hawe'ea mala'eka-ku. Mohura-a mpai' moparenta hewa Magau' hi pohuraa to ncola.

Matius 25:41

”Oti toe mpai', ku'uli'-raka to hi mali ki'ii-ku: ’Malai-mokoi ngkai rei, koi' to natotowi Tuama-ku! Mesua'-mokoi hi rala apu to jela' ncuu, to raporodo ami'-miki Magau' Anudaa' pai' mala'eka to mpotuku'-i.

Matius 7:23

”Kutompoi'-ra mpai': ’Uma-kuna ku'incai-koi! Palai-koi ngkai rei, koi' to dada'a po'ingku-ni.’

Markus 8:38

”Mo'oha'-koi hi laintongo' tauna to dada'a pai' to uma mpotuku'-a. Aga hema to me'ea' mpangaku' petuku'-na hi Aku' pai' mpoka'ea' tudui'-ku, Aku' wo'o mpai' me'ea' mpangaku' kahi'a-na topetuku'-ku ane rata-apa mpai' ngkai suruga. Nto'u toe mpai', Aku' Ana' Manusia' mana'u tumai hante mala'eka–mala'eka to moroli', mehini-a hante baraka'-na Tuama-ku.”

Lukas 15:10

Wae wo'o-ra mala'eka Alata'ala mpokagoe' hadua tauna topojeko' to medea ngkai jeko'-na.”

Lukas 22:57

Nasapu Petrus, na'uli': ”Uma-kuna ku'incai-i!”

Lukas 9:26

”Hema to me'ea' mpangaku' petuku'-na hi Aku' pai' mpoka'ea' tudui'-ku, Aku' wo'o mpai' me'ea' mpangaku' kahi'a-na topetuku'-ku ane rata-apa mpai' ngkai suruga. Nto'u toe mpai', Aku' Ana' Manusia' mana'u tumai hante mala'eka–mala'eka to moroli', mehini-a hante baraka'-ku pai' hante baraka'-na Tuama-ku.

2 Timotius 2:12

Ane mosabara-ta mpokolo kaparia, moparenta wo'o-ta-tawo mpai' dohe-na. Aga ane tasapu-di petuku'-ta hi Hi'a, nasapu wo'o-ta-tawo mpai' kakita'-na topetuku'-na.

1 Yohanes 2:23

Tauna to mposapuaka Alata'ala to Ana', uma ria posidaia'-ra hante Alata'ala to Tuama. Tauna to mpangaku' kaYesus-na Ana' Alata'ala, mosidai'-ramo hante Alata'ala to Tuama.

1 Yohanes 2:28

Kakaliliua-na ana'–ana'-ku, tida-mokoi hintuwu' hante Kristus, bona ane rata nculii'-ipi mpai', daho'-tamo mponyanyo-i, uma-ta mpai' me'ea' nakaratai.

Pangila 3:8

Na'uli': Ku'inca napa to nibabehi. Hilo-dile, kubea-kokoi wobo' to uma haduaa ma'ala mpo'unca. Apa' ria wa karohoa-ni hangkedi', pai' nituku'-mi lolita-ku pai' uma nisapu kanipangala'-ku.