Lukas 12:48 - Buku Tomoroli' Pojanci to Bo'u

⁴⁸ Aga batua to uma-hawo mpo'incai konoa maradika-na, pai'-i mpobabehi to natao raweba'-ki, raweba' moto-i, aga huka'-na-wadi. Apa' hema to rawai' wori', wori' wo'o to ratuntu' ngkai hi'a. Hema to ratonui wori', rapomperapii' wori' wo'o-i.

Lukas 12:48 Iomraidhean Croise

Matius 13:12

Tauna to mpotarima Lolita Alata'ala, ranotohi nono-ra bona kawoo–woria' Lolita Alata'ala to ra'inca. Aga tauna to uma dota mpotarima Lolita Alata'ala, nau' ria hangkedi' to ra'inca, ra'alai' lau-ra.

Matius 23:14

”Silaka-koi, guru agama pai' to Parisi! Lompe' hi mali-na-wadi-koi! Nibagiu tobine tobalu pai' nihagoi tomi-ra. Pai' mosampaya-koi nipomoloe–loe, bona tewunii' gau'-ni to dada'a tetu. Motomo lia mpai' huku'-ni.]

Lukas 12:41

Napekune' Petrus hi Yesus: ”Pue', ba hi kai'-wadi lolita rapa' tetu-e, ba hi ntodea wo'o-di?”

Lukas 12:49

”Katumai-ku toi, tumai mpobaa apu hi dunia'. Pai' konoa-ku bona apu toe sohi' rapobaa-mi.

Lukas 16:2

Toe pai' topo'ua' toei mpokio' topobago-na, na'uli'-ki: ’Napa-di to ku'epe to rapakilu-koko toi-e? Wae lau, popehuwu-ka hawe'ea buku popa'intaa. Ngkai eo toe lau, uma-pi iko to ngkakamu ka'uaa'-ku!’

Yohanes 15:22

Ane ke uma-a tumai mpololitai-ra, ke uma-ra-hawo masala'. Tapi', apa' tumai mpu'u-ama mpololitai-rae, toe pai' uma ria wuniia'-na sala'-ra.

Suro 17:30

Owi, ane mepue'-ta hi pue' to uma makono hewa tetu, uma-ta nahuku' Alata'ala. Napiri moto mata-na hi kawojoa-ta tetu. Tapi' hewa toe lau, nahubui hawe'ea manusia' hi humalili' dunia' medea ngkai jeko'-ra.

1 Timotius 1:11

Tudui' to makono toe tarua' hi rala Kareba Lompe' to ngkai Alata'ala to bohe tuwu'-na pai' to natao ra'une'. Kareba Lompe' toe, napopokoloi-ka aku'-mi bona kupalele.

1 Timotius 1:13

Ri'ulu-a mporuge' Yesus, ngasa' mpu'u-a mpobalinai' topetuku'-na. Aga nau' wae, napoka'ahi' moto-a, apa' nto'u toe ko'ia-a-kuwo mepangala' hi Hi'a, jadi' uma ku'incai kalaua-na napa to kubabehi.

1 Timotius 6:20

Timotius, Alata'ala mposarumaka-ko mpokeni tudui' to makono. Jadi', jaga lompe' tudui' toe, bona neo' mpai' hema to mpobalii'. Neo' nupo'ema'-ra to mpokeni lolita to uma ria tuju-na pai' to uma mpokeni-ta mengkoru hi Pue' Ala. Neo' nupo'ema'-ra to mpokeni tudui' to mosisala hante tudui' to makono. Ra'uli'-rana, ria inca-ra, ntaa' uma-di makono-e.

Titus 1:3

Jadi', hi tempo to napakatantu, napopo'incai mpu'u-tamo ohea mporata katuwua' to lompe', apa' nahubui-ramo suro-na mpopalele Lolita-na. Pai' aku' toi-mi hadua to mpopalele Lolita-na toe, ntuku' hawa' Alata'ala, Magau' Tompohore-ta ngkai huku' jeko'-ta.

Yakobus 3:1

Ompi'-ku hawe'ea! Neo'-koi wori' to doko' jadi' guru agama. Apa' ta'inca moto ompi', motomo-pi mpai' pomparesa'-na Alata'ala hi kita' to jadi' guru ngkai pomparesa'-na hi tau ntani'-na.