Lukas 12:42 - Buku Tomoroli' Pojanci to Bo'u

⁴² Na'uli' Pue': ”Rapa'-na ria hadua batua to monoto nono-na pai' to tida mpobago bago maradika-na. Batua toei na'ongko' maradika-na jadi' topohawa' to mpohawai' batua ntani'-na pai' mpobagi-raka pongkoni'-ra butu eo-na.

Lukas 12:42 Iomraidhean Croise

Matius 13:52

Ngkai ree, na'uli' wo'o-miraka: ”Ane wae, oi wo'o-pi hanyala lolita rapa'-ku: Ane ria guru agama Yahudi to mpopetudui' tudui' to mpo'uli' kamoparenta-na Alata'ala jadi' Magau'-ta, guru agama toe ma'ala rarapai'-ki pue' tomi: ngkai pontimamahia rewa-na na'ue' pai' napopehuwu rewa to hae pai' rewa to bo'u wo'o.”

Matius 20:8

”Limpa-mi eo, na'uli'-mi pue' bonea hi mantoro'-na: ’Kio'-ramo topobago toera ria, pai' wai'-ramo gaji'-ra. Wai' ulu gaji' hi tauna to lako' ntepu'u mobago jaa lima we'i. Oti toe, wai' gaji' hi tauna to ntepu'u mobago jaa tolu, duu' rata hi tauna to mobago ngkai mepuloa.’

Lukas 12:43

Uma mowo kamorasi'-na ane maradika-na rata nculii' ngkai pomakoa'-na pai' mporata-i bula-na mpobago bago-na.

Lukas 7:13

Kanahilo-na Pue' Yesus tobine toei, metumu'-mi ahi'-na pai' na'uli'-ki: ”Neo'-pi-hawo geo'!”

Lukas 7:19

pai' nahubui-ra hilou hi Pue' Yesus, na'uli'-raka: ”Hilou-mokoi hi Yesus pai' uli'-ki retu: ’Ba Iko-mi Magau' Topetolo' to najanci Alata'ala, ba ria-pidi to ntani'-na to kipopea?’ ”

Suro 20:28

Pelompehi-koi mpojaga woto-ni moto pai' mpojaga hawe'ea topetuku' Alata'ala to nasarumaka-mikokoi Inoha' Tomoroli'. Kana nipewili'-ra, hewa topo'ewu mpo'ewu bima-na, apa' Pue' Yesus mate, raa'-na mo'ili, mpobayari huku' jeko'-ta, bona kita' jadi' bagia Alata'ala.

1 Timotius 3:15

bona ane rapa'-na mahae-a mpai' rata, nu'inca napa po'ingku to natao hi butu dua tauna to napo'ana' Alata'ala. Apa' kita' toi, mepue'-ta hi Alata'ala to tuwu' duu' kahae–hae-na. Kita' toi-mi to ngkakamu tudui' to makono to ngkai Alata'ala. Moroho pepangala'-ta hi tudui' toe, pai' tajaga tudui' toe bona uma hema to mpobalii'.

1 Timotius 5:17

Pangkeni agama to lompe' pompakeni-ra, toto-na lia-ra rawai' gaji' rongkani lau kawori'-na ngkai tau ntani'-na, peliu–liu-nami pangkeni to metudui' pai' mpoparata Lolita Pue'.

2 Timotius 4:2

Parata-mi Lolita Alata'ala. Kana sadia-ko mpoparata Lolita-na hi tempo to lompe' ba hi tempo to dada'a. Ewa-ra to mpokeni tudui' to sala', tagi-ra to dada'a po'ingku-ra, apui nono-ra bona lompe' po'ingku-ra. Mosabara ncuu-ko mpotudui'-ra.

Titus 1:7

Apa' tauna to jadi' pangkeni hi rala agama-ta, pahawaa' to mpo'urusi pobago Alata'ala. Toe pai' kana to uma ria kasalaia'-ra: uma ma'ala to molangko nono ba to jolia moroe, uma ma'ala topalangu–langu ba to ntora motuda' pai' to doko' doi-wadi.

Ibrani 13:17

Tuku' hawa' pangkeni-ni pai' pengkorui-ra. Apa' hira' to mpewili' katuwu' kao'-ni, pai' hira'-hana mpai' to mpotompoi' pompekunea' Alata'ala ngkai pobago-ra. Tuku'-koi hawa'-ra bona goe'-ra mobago. Ane uma nituku' hawa'-ra, susa' nono-ra, ka'omea-na koi' lau-mi to nakarontoi rasi'.

Ibrani 13:7

Neo' uma nikiwoi pangkeni–pangkeni-ni to ri'ulu, to mpoparata-kokoi Lolita Alata'ala. Penonoi po'ingku-ra duu' hi kamate-ra, pai' penau' pepangala'-ra.

Ibrani 3:5

Musa tida mpokamu bago-na mpewili' ntodea Alata'ala, hewa hadua topobago to tida mpokamu bago-na hi rala tomi pue'-na. Pai' napa to nababehi Musa toe mpowalatu kalompea' to napopehuwu Alata'ala ngkabokoa'.

1 Petrus 4:10

Alata'ala mpowai' butu dua-ta pakulea' to mosisala. Kana tapake' pakulea'-ta toe mpotulungi doo, kana tapobago lompe' pobago to nakolai'-taka Alata'ala ngkai kabula rala-na.