Lukas 12:4 - Buku Tomoroli' Pojanci to Bo'u

⁴ ”Ompi'–ompi', pe'epei lompe' lolita-ku: neo'-koi mpoka'eka' manusia' to doko' mpopatehi-koi, apa' hudu ree-wadi pakulea'-ra.

Lukas 12:4 Iomraidhean Croise

Matius 10:28

Neo'-koi mpoka'eka' manusia' to doko' mpopatehi-koi, apa' uma ria kuasa-ra mpohuku'-koi hi rala naraka. To nipoka'eka'-le, Alata'ala, apa' mokuasa-i mpatehi-koi, pai' mokuasa wo'o-i mpohuku'-koi hi rala naraka.

Yohanes 15:13

Ane ria tauna to mpewai' tuwu'-na bona doo-na tuwu', bohe mpu'u ahi'-na toe. Uma ria ahi' to meliu ngkai ahi' tauna to mpewai' tuwu'-na bona mpotulungi doo-na.

Suro 20:24

Aga uma kuparipoko woto-ku moto. Nau' ba rapatehi mpu'u-a mpai', uma beiwa. Asala ma'ala kupohudu pobago to nawai'-ka Pue' Yesus. Pobago-ku tetu-le, mpokarebai Kareba Lompe' to mpo'uli' Alata'ala mpowai'-ta kalompea' ngkai kabula rala-na.

Suro 4:13

Konce topohura toera mpo'epe Petrus pai' Yohanes mololita hante uma ria kakoo–koroa'-ra, apa' Petrus pai' Yohanes toera, tau biasa-ra-wadi to uma mosikola molangko. Pai' rapelence-ra, kahira'-nami wengi tauna to mpotuku' Yesus.

Filipi 1:28

Nau' ba napa–napa to jadi', neo' mpu'u-koi me'eka' hi tauna to mpo'ewa-koi. Apa' toe mpakanoto kanahuku'-ra mpai' Alata'ala, pai' koi' ompi' tebahaka ngkai huku', apa' Alata'ala mpobahaka-koi ngkai huku' jeko'-ni.

Yakobus 2:23

Jadi', madupa'-mi lolita Buku Tomoroli' to mpo'uli': ”Abraham mepangala' hi Alata'ala, pai' ngkai pepangala'-na toe, Alata'ala mpo'uli' kamonoa'-na hi poncilo-na.” Toe pai' rahanga'-i bale-na Alata'ala.

1 Petrus 3:14

Aga ane rapa'-na mporata kaparia mpu'u-ta ngkai kehi-ta to monoa', marasi' lau-ta ompi'! Jadi', ane ria to mpongasai'-ta, neo' tapoka'eka'-ra pai' neo' koro'.

Pangila 2:10

Bona ni'inca: Magau' Anudaa' mpotarungku'-koi mpai' hantongo', nasori-koi bona ngalai' ngkala'ura-koi ngkai pepangala'-ni. Rabalinai'-koi hampulu' eo kahae-na. Aga neo' nipoka'eka' pebalinai' tetu. Tida-koi mpangaku'-a duu'-ni mate, pai' kuwai'-koi katuwua' to lompe' duu' kahae–hae-na, parasee ngkai pedagia-ni.