Lukas 12:39 - Buku Tomoroli' Pojanci to Bo'u

³⁹ ”Poinono lolita rapa'-ku toi: Ane na'inca ami'-mi pue' tomi jaa hangkuja topanako rata, bate mojaga-i bona neo'-ra mesua'.

Lukas 12:39 Iomraidhean Croise

Matius 24:42

Toe pai' ku'uli' mo'inga'–inga'-koi, apa' uma ni'incai nto'uma Pue'-ni rata.

Matius 6:19

”Neo' mporumpu rewa hi dunia'. Apa' rewa hi dunia' ma'ala naserohi anutuwu' ba jadi' ta'igaraa'. Pontimamahia rewa-ta ma'ala rabongka pai' rewa-ta rapanako.

2 Petrus 3:10

Aga bate rata moto-i mpai' Pue'-e! Pai' karata-na toe mekoncehi lia hewa karata topanako. Hi eo toe mokero langi' hante moni to paguru, pai' butu nyala-na pumpu ridi' nakoni' apu, pai' dunia' toi hante hawe'ea ihi'-na mampu hangkaa–ngkania.

Pangila 16:15

Na'uli' Pue' Yesus: ”Epe! Rata ncorobaa-a mpai', hewa karata topanako. Marasi'-ra tauna to mo'inga'–inga' pai' to mpewili' pohea-ra. Ane rata-a mpai', uma-ra momako' ngkalawa pai' uma-ra me'ea' hi mata ntodea, apa' rodo-ramo kukaratai.”

Pangila 3:3

Toe pai' ku'uli'-kokoi: kiwoi tudui' to ni'epe pai' to nitarima-mi owi. Tuku'-mi napa to ratudui'-kokoi tetu, medea-mokoi ngkai kalempe'-ni. Ane uma oa'-koi memata, tilou-a mpai' mpohirua'-kokoi. Pai' karata-ku toe hewa karata topanako, apa' uma mpai' ni'incai nto'uma karata-ku toe.