Lukas 12:30 - Buku Tomoroli' Pojanci to Bo'u

³⁰ Hawe'ea tetu lau to ntora rapali' tauna to uma mpo'incai Alata'ala. Hiaa' Tuama-ni hi suruga mpo'inca kaparaluua-ni.

Lukas 12:30 Iomraidhean Croise

Matius 10:20

Jadi', napa to ni'uli' nto'u toe, bela ngkai pekiri-ni moto. Lolita-ni tetu mpai' mehuwu ngkai Inoha' Tomoroli' to nawai'-kokoi Tuama-ni to hi rala suruga. Hi'a-mi mpai' to mponotohi-koi napa to ni'uli' nto'u-ni mololita.

Matius 18:14

Wae wo'o Tuama-ni hi rala suruga, uma napokonoi ane ria hadua ngkai ana' to kedi' toi to molaa ngkai Hi'a.

Matius 5:47

Ane lompe' nono-ta muntu' hi ema'-ta-wadi, napa pelabia-na kehi-ta toe-e? Bangku' tauna to uma mpo'incai Alata'ala, bate toe wo'o-rawo po'ingku-ra.

Matius 6:1

”Pelompehi-e', neo'-ta mpobabehi ada agama hi mata ntodea bona rahilo doo-wadi. Ane hewa toe gau'-ta, uma-ta mpai' nagane' Alata'ala, Tuama-ta to hi rala suruga.

Matius 6:32

Hawe'ea tetu lau to ntora rapenonoi tauna to uma mpo'incai Alata'ala. Koi', neo'-pi nipoka'eka' tetu lau, apa' Tuama-ni to hi rala suruga mpo'inca kaniparaluu-na hawe'ea tetu lau.

Matius 6:8

Neo' mpenau' kehi-ra toe! Na'inca ami'-mi Tuama-ta to hi rala suruga napa to taparaluu kako'ia-na taperapi'.

Lukas 12:29

Jadi' neo'-koi sese' rahi mpenonoi napa to nikoni' ba napa to ni'inu. Neo'-koi me'eka'.

Lukas 12:31

Kana mengkoru-ta hi Alata'ala bona Hi'a jadi' Magau'-ta. Ane toe tababehi, to ntani'–ntani'-na nawai' moto-ta mpai'.

Lukas 12:32

”Koi' to mpotuku'-a, uma-koi hangkuja-na. Aga nau' wae, neo'-koi me'eka'. Apa' Alata'ala Tuama-ni mpopelihi-mokoi ngkai kabula rala-na, napajadi'-koi ntodea-na hi rala Kamagaua'-na.

Yohanes 20:17

Na'uli' Yesus mpo'uli'-ki Maria: ”Neo'-a ulu nukamu, apa' ko'ia-a mengkahe' hilou hi Tuama-ku. Hilou-ko hi ompi'-ku, uli'-raka kahilou-ku hi Tuama-ku bo Tuama-ni, Alata'ala-ku bo Alata'ala-ni.”

Efesus 4:17

Ngkai toe-mi, hante kuasa to nawai'-ka Pue' tohe'i, ku'uli' pai' kuparesai'-koi hante kanoto–noto-na: neo'-pi nituku' po'ingku tauna to uma mpo'incai Alata'ala, apa' uma mokalaua pekiri-ra.

1 Tesalonika 4:5

Neo' napakeni hina nono-ta to dada'a, hewa to biasa jadi' hi tauna to uma mpo'incai Alata'ala.